Last updated: Rāpare, 13 Whiringa ā-nuku, 2022 | Thursday, 13 October 2022
Ko te mahi a Whānau Ora, he tuku i te mana whakahaere o ngā ratonga e hiahiatia ana e te whānau ki te whānau, e mahtahi ai rātou hei whakaū i ō rātou pūkenga ki te whakatutuki i ō rātou wawata. He rerekē anō tērā i ngā kaupapa ā-pāpori, ā-hauora hoki o mua, e arotahi ana ki ngā mateā o te tangata takitahi anake.
Hei tā te arotakenga motuhake o Whānau Ora i te tau 2018, arā, hei tā Tipu Mātoro ki te Ao, kei te taunakihia te kaupapa o Whānau Ora, arā, he tika ngā mahi, kei te kitea ngā putanga pai mā ngā whānau. Ka pūmau hoki ēnei hua, ka rangona e ngā reanga whai muri iho. Ko te whakahau a te arotake, me whakawhānuihia ngā mahi a Whānau Ora ki roto i ētahi atu rāngai o te kāwanatanga.
Ko Paiheretia te Muka Tāngata te tīmatanga o te toronga atu o Whānau Ora me te whakawhānuitanga o te hora o ngā kaupapa e aro nui ana ki te whānau ki te rāngai tūmatanui. Ko te aronga matua o tēnei kaupapa, he tautoko i ngā tāne Māori kei raro iho i te 30 tau e kuhu atu ana ki te pūnaha o Ara Poutama Aotearoa rātou ko ō rātou whānau.