He mahinga ngātahi a Paiheretia i waenga i ngā tari o Te Puni Kōkiri, o Ara Poutama Aotearoa, o Te Manatū Whakahiato Ora me te Māori. E mahitahi ana ngā tāne, ngā whānau Māori, ngā hapū, ngā iwi, ngā kaituku ratonga Māori rātou ko ētahi atu ki te waihanga i tēnei kaupapa.
Last updated: Thursday, 13 October 2022 |
Rāpare, 13 Whiringa ā-nuku, 2022
Nā te tahua pūtea o Wellbeing 2019 te kaupapa o Te Ara Māori, waihoki o Paiheretia te Muka Tāngata, i utu. Kei te taunaki tērā i te whakaaro he tokomaha ngā Māori e taka atu ana ki te hē kei ngā wāhanga katoa o te ture, otirā, me rerekē ngā mahi e pai ake ai ngā putanga mō ngāi Māori.
Kei te rautaki o Hōkai Rangi 2019-2024 tētahi ara matua hou hei kaupare atu i te kino o te nui o ngā Māori kei roto i te pūnaha o Ara Poutama Aotearoa.
He mea waihanga tērā i te taha o tētahi Rōpū Tohutohu Māori, arā, ko ngā kaimahi, ko ngā kaituku ratonga, ko ngā pūkenga mātauranga, ko ngā mātanga rātou ko te hunga kua pāngia e te ringa o te ture.
Kei te pae tukutuku o Ara Poutama Aotearoa te roanga o ngā kōrero
E hāngai ana a Paiheretia te Muka Tāngata ki Te Pae tata, arā, ko te Rautaki Māori me te Mahere Mahi o Te Manatū Whakaiato Ora.
Ko te whāinga nui a Te Pae Tata tēnei: Kia tū kaha, kia haumaru te noho, kia whai oranga nui te whānau. Me whai tūranga rātou i roto i ā rātou hapori, me mōhio rātou ko wai rātou, kei te kaha rātou ki te hāpai i ā rātou tikanga, ki te whakahaere hoki i a rātou anō, arā, ko ‘te mana kaha o te whānau tēnei’.
Pānuihia te roanga o tēnei rautaki ki te pae tukutuku o te Manatū Whakahiato Ora.
