Kua whai wāhi mai a Air New Zealand ki te whakatairanga i te reo Māori.

I te marama o Hōngongoi ka hainatia e Te Taura Whiri i te Reo Māori tētahi kirimana me Air New Zealand.

Mā roto i tēnei kirimana ka whakamahia, ka whakatairangatia hoki te reo i roto i ngā waka rererangi, ngā tauranga rererangi, me ngā huihuinga kaipakihi o Air New Zealand.

“He whāinga wāhi nui tēnei mā ngā whakahaere e rua ki te whakatinana i tō māua hiahia ki te whakapümau, ki te whakapakari hoki i te reo Māori i Aotearoa, otirā i te ao nui tonu,” e ai ki te Kaiwhakahaere Matua o Te Taura Whiri i te Reo Māori a Huhana Rokx.

“Me hari tātou ka tika kua whai mana a Aotearoa i ngā āhuatanga ahurei o tēnei motu: otirā ko te reo Māori me ngā tikanga ētahi tohu rerekētanga e rua hei koha mā tātou, te hunga o tēnei whenua, ki te ao nui tonu,” hei tāna.

I Te Wiki o Te Reo Māori i whakaritea ai e Air New Zealand tētahi whakataetae haka mā ngā kaimahi. He mea whakawā e Temuera Morrison. Ko te hāngi te kīnaki i te kaupapa.