Ko te whakanui i a Matariki mā te kai tahi me te hapori te kaupapa nui mō Te Rōpū Tāpoi Māori o Whanganui. Rahi ake i te whitu tekau mā rima tāngata i tae ake ki te hākari i ngā momo kai a te Māori me te whakawhanaungatanga ahakoa te ua me te mātao. Ko te kuku parae, te tītī, te tio, te kumara, te pāua, te parengo, te kānga piro ētahi o ngā reka i kaingia e te whakaminenga. Ko ngā rōpū tautoko i te hākari mō Whanganui whānui ko Te Kaunihera ā rohe o Whanganui, Te Kāhui Tupua me Te Puni Kōkiri.