I tautoko a Te Puni Kōkiri i Te Kura Māori o Porirua ki te whakanui i te Māoritanga i te wā o Matariki. E rua wiki te roa o ngā mahi whakanui a te kura me te hapori whānui o Porirua.

Nā te tākoha nui a Ngāti Tükorehe me Tikorangi Nurseries i ngā rākau whā rau ki te whakatō ki te kura hei tohu hei whakanui hoki i te wā o Matariki. I whakawhiwhia hoki ngā whānau o ngā tamariki i tētahi rākau i te hui uiui a ngā kaiako me ngā mātua ki te whakatō ki te kāinga.

I oti ngā mahi whakanui i te wā o Matariki me te hura i ngā pou whakairo ki te kura. He tohu ngā pou nei i ngā mātāpono o te kura: ko te kaitiakitanga, te whanaungatanga, te whai wāhitanga me te rangatiratanga.