Tokorua ngā uri o Ngāi Tahu kei te whenua o Rūhia e whakaako ana, e whakatenatena ana i ngā mahi ngahere mō te kamupene ā ao o Renaissance Capital. Kei Khabarovsk ki te rāwhiti o Rūhia a Daniel Gale rāua ko Tim Smith mō ngā wiki e rima ki te āta tirotiro, ki te rangahau hoki i ngā mahi ngahere o te kamupene nei, mai i te taha tope rākau ki te taha pakihi. Kua roa te tokorua nei i te ao ngāherehere e mahi ana. 

I pūāwai tēnei haerenga ako i te whanaungatanga i waenganui i a Ngāi Tahu me te kamupene. E tautoko ana a Te Puni Kōkiri i te Kaupapa Ārahitanga o Ngāi Tahu, arā, he kaupapa e poipoi ana i ngā rangatira o te iwi ki tōna panekiretanga ahakoa he aha tana mahi.