Published in: Kokiri Issue 4 - Mahuru - Whiringa ā Nuku 2007
Rahi ake i te waru tekau nō Te Arawa i tae atu ki tētahi huihuinga wahine Māori ki Rotorua. Nā te Minitatanga mō Ngā Wāhine me Te Puni Kōkiri te hui i whakahaere.
Ko te pūtake, ko te whakanui i ngā wāhine me ā rātou mahi nui ki ngā momo rōpū kāwanatanga o Te Arawa me ngā rōpū hapori whānui. E ai ki ngā kaikauhau i te whakatau, ko ngā wāhine o Te Arawa te tuarā o te oranga o Te Arawa.
Hei tā te kaiwhakahaere ā rohe mō Te Puni Kōkiri ki Rotorua a Wally Tangohau, e tika ana kia whakanuia ngā wāhine nei me ā rātou mahi mutunga kore mā te whānau, te hapū, te iwi me te hapori.