Kua tïmata te whakaari reo Māori a Taki Rua mō tēnei tau ki te rohe o Te Waiariki e kïa nei “Kāore a Moa e rere”.

He whakaari tēnei nā James Waerea i tuhi..

He kōrero a “Kāore a Moa e rere” mo tētahi tama a Pukunui me tōna hoa a Moata Moa. I a Pukunui e whakaako ana i a Moata ki te rere ka tütaki rāua ki a Rongomai, Tane, ngā kaiwhai Moa me Tangaroa..

He whakaari reo Māori tēnei nā Taki Rua, i tïmata ā rātou whakaari reo Māori i te tau 1995 kia kite ai ngā iwi tuawhenua i ngā pukenga whakaari kei Aotearoa. Tua atu i te reo Māori ko ngā kaupapa huhua pērā me te kotahitanga o te whānau, te tiaki i a Papatuanuku me ngā tikanga ā iwi maha. .

Ka tïmata te kōrero mo Pukunui i te tau 1961 i te wā he kaiako a James Waerea ki te kura Māori o Rotoiti. Kāore i pai te marautanga o te kura ki a ia me te wero a te tumuaki kia tuhituhi ia i tētahi pukapuka mā ngā tamariki..

Ko Pukunui te tuatahi o ngā momo pukapuka i te reo Māori mā ngā tamariki mai i te kore ki te ono tau te pakeke. Ahakoa he pukapuka pai rawa kāore i tāngia mō ngā tau tekau mā tahi..

Nā wai rā ka whānau mai te pukapuka a Pukunui i te tau 1972, mai i taua wā ki ināianei kei roto a Pukunui i ngā momo pukapuka maha pērā me Pukunui the Astronaut me Pukunui’s Hangi..

Ināianei kei te whakaaria a Pukunui ki tētahi whakatupuranga hou e Taki Rua i a rātou e haerere ana i te motu mō ngā marama e rua..

Ko Ngapaki Emery te kaihautü o te whakaari me ngā kaiwhakaari pukenga nui a Michael Johnson, Te Kotuku Aperahama rātou ko Te Mihinga Komene..

Ahakoa i waihangatia ai mā ngā tamariki mai i te whā tau ki te tekau mā whā tau te pakeke he whakaari tēnei mā te katoa o te whānau.

Mō ētahi atu whakamāra-matanga tirohia te paetukutuku a Taki Rua: www.takirua.co.nz .