Kōkiri – Hereturikōka - Mahuru 2008

Issue 10

September 2008

Te Puni Kōkiri values the Māori language and for the second year in a row Kōkiri is entirely in the Māori language to celebrate Māori Language Week 2008 and Māori Language Day 2008. Apart from the Māori language activities and events we profile the Te Waka Toi Award recipients, visit the Te Arawa region and highlight Rotorua businesses. We also feature the Waka Ama Worlds held in Sacremento and much more.

Ngā Rohe

  • Te kai a matariki

    Te Tai Hāuauru: Te Kai a Matariki

    Ko te whakanui i a Matariki mā te kai tahi me te hapori te kaupapa nui mō Te Rōpü Tāpoi Māori o Whanganui. Rahi ake i te whitu tekau mā rima tāngata i tae ake ki te hākari i ngā momo kai a te Māori me te whakawhanaungatanga ahakoa te ua me te mātao. Ko te kuku parae, te tïtï, te tio, te kumara, te pāua, te parengo, te kānga piro ētahi o ngā reka i kaingia e te whakaminenga. Ko ngā rōpü tautoko i te hākari mō Whanganui whānui ko Te Kaunihera ā rohe o Whanganui, Te Kāhui Tupua me Te Puni Kōkiri.

    Read more
  • nga karere o matariki

    Takitimu: Nga Karere o Matariki

    Ko te tau tuawaru tēnei mō ngā mahi whakanui o Ngāti Kahungunu me ā rātou hapori whānui i a Matariki. I tïmataria e Elena Te Nahu tohunga rakuraku tōiri te marama whakanui mō Ngāti Kahungunu mai i Te Wairārapa i te tonga ki Te Wairoa i te raki. Nā Te Puni Kōkiri me Ngāti Kahungunu ngā kaupapa whakanui rua tekau huri noa i te rohe i tautoko. Ko ngā whakangahau, ngā mahi toi, ngā hākinakina, ngā wānanga, ngā mahi ā Rēhia hoki ētahi o ngā kaupapa i whakaritea e te iwi ki te rohe whānui o Ngāti Kahungunu. Ko te whakaahua nei he manu aute nā Wiki Turner i hanga e kïa nei Ngā Karere o Matariki ki Kahungunu.

    Read more
  • Pō Whakanui i a Matariki

    Te Whanganui ā Tara: Pō Whakanui i a Matariki

    Ko te pō whakanui i a Matariki tuatahi tēnei mō te iwi o Ngāti Toa ki tō rātou whare kai i hangaia mai i te tau 1992. Ko te Marae o Takapuwāhia te wāhi i whakarauika ai ngā uri o Ngāti Toa ki te whakawhanaunga rangatahi mai, pakeke mai, kaumātua mai. Nā Te Puni Kōkiri, Te Rünanga o Ngāti Toa, te Komiti o te Marae o Takapuwāhia tēnei pō i tautoko kia whakakotahi ai te iwi nei ki te whakanui i ngā mahi kua tutuki nei i a rātou i te tau kua pahure ake, me te titiro whakamua ki ngā rangi e heke iho nei. Ko te tümanako, ka tü tēnei pō ia tau.

    Read more
  • Nga rama e Whitu

    Te Tairāwhiti: Ngā Rama e Whitu

    Ko “Ngā Rama e Whitu, Seven Bright Lights” tētahi whakaaturanga i whakanui i te wairua auaha me te pakihi o ngā pukenga toi o Te Tairāwhiti i te kaupeka o Matariki. E whitu ngā pakihi i whakaaturia ki te Whare Taonga o Te Tairāwhiti, arā, ko Tribal Fibre, Mauriora Productions, Jack Gray Dance, Zero T, Desna Whaanga Schollum, Metia Interactive me te tohunga tā moko a Mark Kopua. Ko Te Puni Kōkiri tētahi o ngā kaitautoko nui o tēnei whakaaturanga. I hangaia mai he paetukutuku hei whakapāho i te pakipümeka e whakatairanga ana i ngā pakihi e whitu. Tirohia: www.ngaramaewhitu.tairawhitiarts.net

    Read more
  • Te marae o Matariki

    Te Waipounamu: Te Marae o Matariki

    Nā Te Puni Kōkiri me te Taratihi o Manaaki Sounds ngā mahi whakanui i a Matariki ki te marae ā motu o Ngā Hau e Whā i ōtautahi i whakatü. Kotahi wiki te roa o ngā mahi whakanui nei i whakaritea mā ngā tamariki me ngā kōhungahunga mai i ngā kura o te rohe. Neke atu i te kotahi mano ngā tamariki i whai wāhi ki ngā whakaakoranga o Matariki. Mō ētahi, koinei te wā tuatahi i whātoro atu ai rātou ki te mātauranga Māori i runga marae. E rua anō ngā pō whakaakoranga mō ngā whānau katoa i whakaritea me ngā tohunga tātai whetü pērā i a Hekenukumai Busby mē ētahi atu.

    Read more
  • Nga Pou o Matariki

    Tāmaki Makaurau: Ngā Pou a Matariki

    Ki Te Raki Paewhenua ka tü ko tētahi ahurei whakanui i a Matariki ki te marae o Awataha. E toru ngā poupou whakairo i huraina i te atapō ki te whakanui i a Matariki. He mea whakairo ngā poupou e te hapori Māori i raro i ngā kupu tohutohu a Anthony Wilson. Ko te poupou tuatahi ko te rangatira o te waka o Tainui a Hoturoa, ko te poupou tuarua ko te tohunga o te waka o Te Arawa a Ngatoroirangi, ko te poupou tuatoru ko te tohunga o te waka o Mataatua a Te Tahinga o Te Rangi.

    Read more
  • Toi Whakamau

    Waikato: Toi Whakamau

    Ko ngā mahi toi te kaikawe i ngā mahi whakanui i a Matariki ki te rohe o Waikato. Ko ngā moni katoa i kohia, i tukuna ki te tautoko i ngā mahi a Te Whakaruruhau Māori Women’s Refuge. Rahi ake i te rua rau ngā tāngata i ikapahi atu ki Meteor Theatre i Kirikiriroa ki te whakanui i ngā mahi a ngā pukenga toi. E toru ngā wāhanga o te whakataetae Toi Whakamau ko te Kaka-aku, te Hangarua me te Matariki Tümatarau. I whakawhiwhia ngā hōnore nui o te pō ki tētahi kaka i rarangahia ki te harakeke, ko Tui. He mea tautoko te pō e Te Puni Kōkiri.

    Read more
  • Te Rangi Aniwaniwa

    Te Tai Tokerau: Te Rangi Āniwaniwa

    Ko te whakarauoratanga o ngā waiata tawhito me ngā waiata hïtori nō te raki o Te Taitokerau hei rauemi reo Māori te kaupapa matua o ngā whakanui i a Matariki. Nā Te Rünanga o Te Rarawa me te tautoko a Te Puni Kōkiri i hangaia mai ai e ngā ākonga o Te Rangi āniwaniwa he kōpae püoro o ngā waiata a te rohe. I āta whiriwhiria e ngā ākonga ngā kaiwaiata. Ko te tōmina nui, ka noho te kōpae nei hei rauemi, hei akoako i ngā hïtori me ngā mātauranga mā te iwi whānui. Kotahi mano ngā kōpae i whakaterea.

    Read more
  • Ko Laurelle Tamati e ārahi ana i a Tūhourangi Ngāti Wahiao

    Te Arawa ki te Matatini

    E whā tau rātou e ngaro ana i Te Matatini, hei te tau e heke iho nei ka hoki atu ngā kapa haka a Te Arawa ki ngā taumāhekeheke kapa haka o te motu.

    Read more
  • Te moana a Toi

    Te Moana a Toi:Te Matariki a Ngāi Tai

    I tautoko a Te Puni Kōkiri i te Mana ā iwi o Ngāi Tai ki te whakanui i a Matariki me āna hapü, me āna whānau. Ko te whakawhanaungatanga, ngā tikanga ā-iwi, te hïtori me ngā wawata o te iwi ngā kaupapa whakanui i pïkautia e te iwi i te pō kotahi. Ko te wā tuatahi tēnei mō te iwi kia noho tahi ki te wānanga i te motuhaketanga o Matariki, ka puia ake te titiro ki te whakatairanga tonu i te Ngāitaitanga me tōna mātauranga tuku iho.

    Read more

Main Feature

  • Te Tai Hauauru

    Te Kai a Matariki

    Ko te whakanui i a Matariki mā te kai tahi me te hapori te kaupapa nui mō Te Rōpū Tāpoi Māori o Whanganui. Rahi ake i te whitu tekau mā rima tāngata i tae ake ki te hākari i ngā momo kai a te Māori me te whakawhanaungatanga ahakoa te ua me te mātao. Ko te kuku parae, te tītī, te tio, te kumara, te pāua, te parengo, te kānga piro ētahi o ngā reka i kaingia e te whakaminenga. Ko ngā rōpū tautoko i te hākari mō Whanganui whānui ko Te Kaunihera ā rohe o Whanganui, Te Kāhui Tupua me Te Puni Kōkiri.

    Read more
  • Tahunuiorangi Moore rāua lo tōna matua a William Moore

    Te Reo i te Kāinga

    Ko te kaupapa matua o Te Wiki o te Reo Māori 2008 ko Te Reo i te Kāinga. Nā reira kei te kāinga a Kōkiri o tëtahi whānau Māori e āta wherawhera nei i ō rātou moemoeā reo Māori.

    Read more
  • Te Minita mo nga Take Māori a Parekura Horomia kei tetahi toa i te taunga waka rerewhenua

    Te Wiki o Te Reo Māori

    Ko te reo whakamihi me te wairua Māori i rongohia e te hau kāinga o Te Whanganui a Tara i te rā tuatahi o Te Wiki o te Reo Māori

    Read more
  • Nga kaimahi o ANZ e haka ana

    Tuhia te Hā o te Reo ki te Rangi

    Kua whai wāhi mai a Air New Zealand ki te whakatairanga i te reo Māori.

    Read more

Te Ao Māori

  • Google logo

    Google i te Reo Māori

    Kua whakamāoritia te rapunga ipurangi nui rawa o te ao a Google ki te reo Māori.

    Read more
  • signing

    Ngā Whenua Rāhui o Whakarewarewa

    Ko ngā whenua ko te taitonga o Arikikapakapa, ko te whenua rāhui o Ngā Waiariki o Whakarewarewa me te whenua rāhui o Roto ā Tamaheke.

    Read more
  • group photo

    Ngā Tohu a Te Waka Toi

    Ko te whakanui i ngā pukenga toi Māori te kaupapa o te pō o Ngā Tohu a Te Waka Toi 2008.

    Read more

In Business

  • Ko Rakeiuekaha Kingi e Whakairo ana

    Tangata Whakairo

    Kei te whakatü a Rakeiuekaha Kingi o Ngāti Turumakina o Ngāti Tüwharetoa, Tühourangi me Ngāti Whakaue i tētahi pakihi toi Māori e kïa ana ko Tangata Whakairo Ltd.

    Read more
  • Ko Te Reo Me Ngā Toi Māori

    Ko te reo me ngā toi Māori

    Ko ngā ratonga reo Māori me ngā toi Māori te pakihi o tētahi tokorua ki Rotorua.

    Read more

Creative New Zealand

  • Kaore o Moa e Rere

    Kāore a Moa e Rere

    Kua tïmata te whakaari reo Māori a Taki Rua mō tēnei tau ki te rohe o Te Waiariki e kïa nei “Kāore a Moa e rere”.

    Read more
  • Whangārā Mai Tawhiti ki Hāmoa Amerika

    Te Ahurei toi o Te Moananui ā Kiwa

    Ko te whakaatu ki te ao whānui i te ataahuatanga o ngā toi a ngā iwi maha o Te Moananui ā Kiwa te kaupapa matua o tētahi ahurei i tü ki Hāmoa Amerika.

    Read more

In Education

  • Nga Tamariki o Nga Whetu o Matariki

    He Ratonga Tiaki Tamariki

    Nā Te Puni Kōkiri i whai wāhi ai tētahi rōpü Māori me tōna whānau ki ngā taumata Ratonga Tiaki Tamariki i waho i te Kura, arā a OSCAR.

    Read more

In Sports

  • waka ama

    Te Taumāhekeheke Waka Ama o Te Ao

    He koura te tae o ngā metara kua whakahokia mai e ngā kaihoe waka ama o Aotearoa mai i te Taumāhekeheke Waka Ama o te Ao 2008 i te moana o Latoma i Sacramento, Amerika.

    Read more

Back to top