Kōkiri 16 – Tiako Niho

Published in Kōkiri 16, Mahuru - Whiringa ā Nuku 2009

Kaua e wareware ki te paraihe i ō niho, koinā te whakatau a te rata niho a Scott Waghorn (Ngāpuhi, Ngāti Hine). Nōna tētahi whare rata niho o Tāmaki Mākaurau ki te uru e kīa nei Dental Care West.

Nō ngā tau e toru ki muri nei ka tīmata a Scott hei rata niho ki te whare rata niho a Keith Nelson and Associates. He kotahi tau me te haurua te roa o tana mahi i reira, ka whakaaro ake ia me hoko ia i te pakihi.

Nō te tau 2007 ka whakatīnanatia taua whakaaro, ka whakahoungia te pakihi, ka whakarerekētia te ingoa ki Dental Care West. I ēnei rā tokowhā ngā rata niho, tekau ngā kaimahi tūturu, tokorima ngā kaimahi kōhikohiko.

I whakawhiwhia ki a Scott tana tohu rata niho e Te Whare Wānanga o Ōtākou. Kāore ia i hiahia ki te mahi i te hōhipera, ka haere tika atu ia ki Keith Nelson and Associates, ā, kāore ia i te titiro whakamuri. I a ia i te whare wānanga ka tuhia e ia ētahi ripoata mō te hauora o ngā niho Māori, ka uru atu hoki ia ki ētahi karaehe Māori ki te whakamōhio atu i tōna taha Māori.

He ngakaunui tōna ki te tuari haere i ōna pukenga ki te awhi i ngā hapori pōhara me ngā iwi Māori, nā reira i whakapā atu ai ia ki Te Puni Kōkiri.

“He rawe te āwhina a Te Puni Kōkiri i taku pakihi, nā rātou tētahi rōpū kaute nui i tohutohu hei ārahi i au me te hiki i taku pakihi ki taumata kē,” hei tā Scott.

Nā rātou hoki ōku whakaaro i whakatīnana ki roto i tētahi mahere pakihi hei oranga mō taku pakihi, hei tāna anō. Mo ētahi atu whakamāramatanga tirohia te paetukutuku: www.dentalcarewest.co.nz.

Back to top