Kōkiri 16 – Te Māori: Whakanuia

Published in Kōkiri 16, Mahuru - Whiringa ā Nuku 2009

E rua tekau mā rima tau kua hipa mai i te wā i whakaaturia mai ai Te Māori ki ngā whare pupuri taonga o Amerika.

E tika ana, kia ikapahi atu te tini tangata ki te marae o Waiwhetu i Te Awakairangi i te 11 o Mahuru ki te whakanui i te whakaaturanga rongonui nei.

I te 10 o Mahuru 1984 i whakapuaretia ai te whakaaturanga tuatahi ki te Whare Taonga o Metropolitan i te Āporonui i Amerika. Mai i reira ka haria ki St Louis, San Francisco me Chicago.

Nā te Minita Take Māori a Hon Dr Pita Sharples, ngā mōrehu kaumātua me te Uepū o Te Māori Manaaki Taonga tēnei kaupapa i whakanui i runga i te tautoko a Te Puni Kōkiri.

Hei tā te heamana o te Uepū o Te Māori Manaaki Taonga a Ahorangi Piri Sciascia, “kua ngaro i te tirohanga kanohi he kāhui tāngata i whakarangatira i te whakaaturanga i taua wā. Heoi te kaupapa o te rā nei he whakamahara i a rātou me ngā pānga nui a Te Māori ki te ao whānui.

Nō te hokinga mai o te whakaaturanga, ka haria ki Te Whanganui a Tara, Ōtautahi, Ōtepoti, ā, ka tau ki Tāmaki Makaurau i te 10 o Mahuru 1987.

Back to top