Kōkiri 16 – Ngā Manu Kōrero 2009

Published in Kōkiri 16, Mahuru - Whiringa ā Nuku 2009

Ko ngā pukenga whaikōrero a te hunga taiohi ka rangona e te marea ki ngā whakataetae ā-motu mo Ngā Manu Kōrero 2009 i tū ki Rotorua i te marama o Mahuru.

Ka riro te hōnore nui o te whakataetae whaikōrero i te reo Māori mo ngā tuakana ki a Te Wairere Ngaia (Waikato, Maniapoto, Taranaki) nō Te Wharekura o Ngā Taiātea, tuarua mai ko Aperahama Hurihanganui (Te Arawa) nō Te Kura Tamatāne o Rotorua.

“Ko te mea ohorere ki a au, ko ta Aperahama Hurihanganui kaupapa kōrero ka tahi, ka rua ko te āhua o tā Te Wairere Ngaia kōrero ohorere, anō nei, kua noho mo te rua wiki ki te whakatakoto whakaaro,” hei tā te kaiwhakahaere o Ngā Manu Kōrero a Rangitihi Pene.

“E ai ki a Timoti Karetu me tuku e ratau te reo kia rere, kia tika, a, kia Maori ano hoki. Haunga nga hapa, me kii, kua tutuki i a ratau, ara, kua eke taumata nga toa,” hei tāna anō.

Tekau mā whā ngā taiohi nō ngā rohe tekau mā whā o Aotearoa i ngā wāhanga whakataetae whaikōrero e whā, arā Pei Te Hurinui mo ngā tuakana i te reo Māori, Te Korimako mo ngā tuakana i te reo Ingārihi, Rawhiti Ihaka mo ngā teina i te reo Māori me te wāhanga o Tā Turi Kara mo ngā teina i te reo Ingārihi.

Ka tīmata tēnei whakataetae nui whakaharahara ki te poipoi i ngā reo e rua a te hunga taiohi i te tau 1965. Hei te tau e tū mai nei ka whakanuia ko te whā tekau mā rima tau o te poipoi me te whakatenatena i te māia me te wairua o ngā tini taiohi Māori i ngā tau kia whāia ai e rātou i te pae tawhiti kia whakamaua.

NGĀ TOA:

Pei Te Hurinui

  1. Te Wairere Ngaia, Ngā Taiātea Wharekura
  2. Aperahama Hurihanganui, Te Kura Tuarua o ngā Tamatāne o Rotorua
  3. Satriani Reihana, Te Kura Kaupapa Māori o Te Whānau Tahi

Te Korimako

  1. Karli Rickard, Te Kura Tuarua o Ritana
  2. Yohan Huria, Te Kāreti o Hato Paora
  3. Rihari Rātahi, Te Kura Whakapūmau i te Reo Tūturu ki Waitaha

Te Rāwhiti Ihaka

  1. Kerei Paki, Te Kura o Te Ahorangi
  2. Anituatua Black, Te Kura Tuarua o Trident
  3. Manaia Ward-Tareha, Te Kura Tuarua o Kamo

Tā Turi Kara

  1. Taylor Taranaki, Te Kura Kaupapa Māori o Ngā Tapuwae
  2. Hautapu Baker, Te Kāreti Tamatāne o Tauranga
  3. Parekaia Tapiata, Te Kura Kaupapa Māori o Mana Tamariki

E Tipu E Rea
Te Kāreti o Hato Paora

Back to top