Ko te kaitohutohu matua Te Puni Kōkiri ki ngā take Kaurauna-Māori, ā, ka whakapau kaha hoki mātou kia angitū ai te Māori hei Māori ki Aotearoa, huri noa hoki i te ao.
Last updated: Rāapa, 21 Hakihea, 2016 | Wednesday, 21 December 2016
Kei te rapu kaiwhakahaere kiripaepae mātou, he tangata ka hiahia āwhina i te Māori kia eke panuku mā te tūtaki tuatahitanga i ō mātou manuhiri i tō mātou tari matua i Te Whanganui-a-Tara.
Mā te whakaatu ngaiotanga huapai rangatira e mau tonu ki te rae o te manuhiri me te hora manaakitanga ki tā te āhua o Te Puni Kōkiri hora manaakitanga, koia te tīmatanga noa iho mā te kaitono angitū. Kia whai wāhi atu ki ngā mahi a tētahi Te Puni Kōkiri kei reira ngā kāhui e tautoko, e whakatairanga ana tētahi i tētahi kia angitū ngatahi ai, te tūtaki ki ngā tāngata hou me te whai wāhi atu anō ki ngā āhuatanga hou ia rā, ia rā he mea rawe pea ki te hunga e pai ana ki ngā momo āhuatanga e whakahihiri ana i te tangata.
Me tau te āhua o te tangata, me waia hoki ki te whakahaere i tōna wā me te wā a ētahi atu. Ka whaihua ina he whakamōwai, he tau hoki te āhua o tana whakahaere i a ia anō me ētahi atu tāngata. Ko te painga atu mena he hītori tāu e mahi ana ki mua i te aroaro o te tangata, ā, he matatau hoki ki te whakahaere i te PABX, i t/ētahi atu pūnaha waea rānei. He mea nui te waia ki ngā pūmanawa MS me te mōhio hoki ki te whakamahi i ngā pūrere āhuatanga-maha. Me pūkenga reo Māori i te mea he reo tuarua pea te reo Ingarihi ki ētahi o ngā manuhiri ka tae ki a koe.
Ko te whānui o te utu kei waenga i te $39, 812 ki te $59,719. Ka whiwhi te kaitono angitū i tētahi utu kei tēnei whānui, kei te āhua tonu o tana wheako mahi me ana pūkenga.
Tēnā, whakapā mai ki a Melanie Kingi, Ministerials and Support i 04 819 6039, 027 267 7603 rānei, i kingm@tpk.govt.nz rānei ina hiahia kōrero koe i ngā taipitopito o tēnei tūranga.
E āhei ana te tuku tono mai tae atu ki te 5pm, te Rāmere 20 o Kohitātea 2017.