Mai i tō whakataunga whakaaro ki te mahi hei Wātene Māori, ka āta tautokona koe e te Kaiwhakarite ā-Rohe kei tō rohe.

Ko tā te Kaiwhakarite ā-Rohe mahi ko te whakatairanga ake i ngā Wātene Māori i waenga i ngā tari kāwanatanga me ngā rōpū i tōna rohe. Ka poipoi rātou i ngā hononga ki ngā kaunihera ā-rohe, ā, ka āwhina i ngā peka hoki ki te whai pūtea, ki te kimi tāngata, ki te arataki me te whakawhanake whakangungu.

Ka whakarato pārongo ngā Kaiwhakarite ā-Rohe mō ngā kākahu, ngā waka me te whakamahinga o aua waka, me ngā kaupapa ka tū ki tō rohe.

Tēnā tirohia ngā kōrero me ngā moka whakapātanga kei raro nei hei rapu i te Kaiwhakarite ā-Rohe i tō rohe:

Tāmaki Makaurau me Te Taitokerau

Ko Marie-Anne Selkirk (nō Ngāpuhi, nō Ngāti Hine, nō Ngāti Porou) te Kaiwhakarite ā-Rohe mō ngā rohe o Tāmaki Makaurau me Te Taitokerau. Ka hora atu tōna rohe mai i Te Paina i te awa o Waikato, ki Kaitaia ki Te Tai Tokerau.

I ngā ngahurutanga e hia ake kua pahure kua āta tautokona ngā whānau, ngā marae me ngā hapori e ngā Wātene Māori. E ai ki a Marie-Anne, ko tāna mahi hei Kaiwhakarite ā-Rohe ko te tautoko i ngā Wātene kia eke ki ngā taumata e wawatahia ana. He tikanga whakaaro whai mana te Aroha ki te Tangata e hāpaitia ana e ngā Wātene i tā rātou karawhiu kia whai painga te tangata.

Waea: 027 281 0829 Īmēra: selkm@tpk.govt.nz

Waikato – Tainui

Ko Pareaute Panapa-Solomon (nō Waikato – Maniapoto, nō Ngāti Whātua, nō Ngāpuhi, nō Rongowhakaata, nō Ngāti Porou)

Ko Pareaute te Kaiwhakarite ā-Rohe mō te rohe o Waikato – Tainui. Ka tōtoro tōna rohe mai i Puketutu me Te Pūwaha o Waikato ki te raki, mā te ākau whaka-te-uru ki te paemaunga o Kaimai, tae atu ki ngā kōraha ki Hauraki, ā, hoki whaka-te-raki ki Te Tara o Te Ika-a-Māui.

Ko tā Pareaute mahi hei Kaiwhakarite ā-rohe ko te whakahonohono i ngā iwi, ngā hapū, ngā marae, me ngā rōpū ka tuku whakaaro hei whakapiki i te kaha me te āhei o ngā wātene, huri hāngai rānei. Ko tētahi tino wāhanga o te mahi ki te rohe o Waikato-Tainui ko te kaupapa o Te Kīngitanga – he mea ahurei te kaupapa nei te ki tēnei rohe.

Te Whanganui-a-Tara, Kapiti, Horowhenua, me Manawatū

Ko Diana Kawana (nō Ngā Wairiki) te Kaiwhakarite ā-Rohe mō te Pokapū ā-rohe o Te Whanganui-a-Tara, arā, ko Manawatū, ko Horowhenua, ko Kāpiti me Te Whanganui-a-Tara, ā, kei Te Papaioea e noho ana.

Ki a Diana, kua whai wāhi ia hei Kaiwhakarite ā-Rohe ki te whakarato i ngā rauemi e tika ana kia ea ai ngā matea o ngā Wātene Māori e mahi ana ki te taha o ō rātou iwi, ō rātou hapū, ō rātou whānau, mokopuna hoki me te hapori whānui.

Waea: 027 415 9837 Īmēra: kawad@tpk.govt.nz

Whanganui, Taranaki, Rangitīkei me Ruapehu

Ko Wayne Seeley (nō Ngāpuhi) te Kaiwhakarite ā-Rohe mō te pokapū o te rohe o Whanganui, arā, ko ngā takiwā o Whanganui, o Taranaki, o Rangitīkei, o Ruapehu hoki. Kua 22 tau ia e mahi ana hei Wātene Māori, kua mahi tahi me te Kaunihera Māori ā-Rohe hoki.

E hari koa ana ia ki te mahi hei Kaiwhakarite ā-Rohe mō ngā Wātene Māori i tōna rohe. E hiahia ana ia kia nui ake te mana o ngā Wātene Māori i tō rātou hapori, ā, kia whai whakawhanaketanga ngaiohei whakatutuki i tēnei hiahia.

Waea: 027 415 9651  Īmēra seelw@tpk.govt.nz

Tūranganui-a-Kiwa, Heretaunga me Wairarapa

Ko Robert Whaitiri (nō Rongowhakaata, nō Ngāti Kahungunu) te Kaiwhakarite ā-Rohe mō ngā pokapū ki Tūranganui-a-Kiwa me Heretaunga, ka tōtoro i Te Tairāwhiti, i Heretaunga me Wairarapa.

Mā tana mahi hei Kaiwhakarite ā-Rohe, e pīrangi ana a Rōpata ki te āwhina i te whakakotahitanga o ngā kaupapa maha, kia ahu whakamua tahi ai rātou. "Ko te āhuatanga o nāianei e whakataetae ana ngā rōpū maha mō ngā tūranga mahi, pūtea hoki. He tū takitini, he tū toa, ā, ki te taea e tātou katoa te ahu whakamua me te tū tahi kia tū whakauka, kia wāia haere āki te taha pakihi, me te whai kirimana ratonga i roto i tērā, ka pakari ake ngā Wātene Māori ki te whakarato i tētahi ratonga te mutunga mai o te pai”. 

Waea: 027 296 9654  Īmēra whair@tpk.govt.nz

Te Waipounamu

Ko Meikura Taiaroa Arahanga (nō Kai Tahu, nō Te Arawa, nō Ngāti Rangi) te Kaiwhakarite ā-Rohe mō ngā rohe o Ōtautahi me Whakatū. Ko te katoa o Te Waipounamu tōna rohe. I noho ia i Wairarapa i mua i tōna hokinga ki Te Waipounamu, ā, kei Ōtautahi ia e noho ana ināianei. Ki a Meikura, ko tana mahi hei Kaiwhakarite ā-Rohe ko te tautoko i ngā mahi a Ngā Wātene Māori.  

Waea: 027 415 9951 Īmēra: arahm@tpk.govt.nz