Te Pae Ārahi – Nominations Service

Kei te tautoko Te Pae Ārahi i te whakatūnga o ngā kanohi Māori ki ngā poari kāwanatanga, ki ngā komiti me ngā rōpū tāpae kōrero.

I te tau 2021, ka whakarewaina e Te Puni Kōkiri tētahi pae tukutuku hou. Nā tēnei ratonga tuihono, ka ngāwari ake te rēhitatanga me te whakahoutanga o ngā kōrero o ia tangata. Nā tēnei ratonga tuihono, ka ngāwari ake te rēhitatanga me te whakahoutanga o ngā kōrero o ia tangata.

Kupu whakataki

He pātengi raraunga “ora” a Te Pae Ārahi e mau ana i tētahi rārangi tāngata hei kopounga mō ngā tūranga whakahaere, ki ngā poari kāwanatanga, ki ngā komiti me ngā rōpū tāpae kōrero.

Mēnā e ngākaunui ana te tangata ki te whakawhanaketanga o te iwi Māori, e whakapono ana hoki ia kei a ia ngā pūkenga me ngā āhuatanga e whai hua ai tana tū ki ngā poari whakahaere a te kāwanatanga me rēhita ia ki te pae tukutuku o Te Pae Ārahi.

Mā mua ka kite a muri,
Mā muri ka ora a mua.

Ngā tūnga whakahaere

Ko tā Te Puni Kōkiri, he tāpae kōrero ki te huhua o ngā Minita me ngā tari kāwanatanga e pā ana ki ngā tāngata tika hei whakatū ki ngā poari whakahaere, arā, ko te Minita Whanaketanga Māori rāua ko te Minita o Whānau Ora ētahi o aua Minita.

Ka kopoua te tangata kotahi, neke atu rānei e te Minita Whanaketanga Māori ki ngā poari o ngā tari e whai ake nei:

  • Te Māngai Pāho
  • Te Mātāwai
  • Te Taura Whiri i te Reo Māori
  • Whakaata Māori
  • Te Tumu Paeroa
  • Te Rōpū Whakamana i te Tiriti o Waitangi
  • Ngā Poari Kaitiaki Māori
  • Poutama Trust
  • Ngā Pou Taunaha o Aotearoa.

Ngā tino pūkenga

Kei te tino hiahia ngā Minita rātou ko ngā tari kāwantanga ki te hunga e ngākaunui ana ki te whakawhanaketanga o te iwi Māori, e mātau ana hoki ki ngā kaupapa e whai ake nei:

  • te whakahaere pūtea me ngā pākihi
  • te mātauranga, te hauora me te whanaketanga o ngā kaupapa here ā-pāpori
  • te mātauranga pūkaha, te whakahaere rauemi, te pūtaiao me te hangarau me ētahi atu momo mātauranga hangarau
  • te rangahau me ngā tikanga matatika
  • te mahi whakahaere i te rāngai kāwanatanga
  • te mahi whakahaere
  • te whakarauoratanga o te reo Māori
  • ngā mahi e whakawhanake ana i ngā iwi, i te hapori hoki rānei.

Te rēhitatanga

Tukuna atu ō kōrero whaiaro, arā, ko tō tātai pūmanawa hoki ki Te Pae Ārahi.

Ka taea e koe te whakahou noa i ō taipitopito me tō tātai pūmanawa. Koia hoki tētahi o ngā hua nui o tēnei Ratonga tuihono.

Ka āta manaakihia ō kōrero whaiaro. Pānuihia ngā tikanga matatapu.

E tāria ana te taenga mai o tō rēhitatanga. Mēnā e hiahia ana koe ki te kōrero mō tētahi wāhanga o tēnei tukanga, tēnā koa īmērahia mai ki nominations@tpk.govt.nz, waeahia atu rānei ki tō mātou Tari Matua ki 0800 875 663.

Ngā pātai auau

Ka hoatu noa koe i taku ingoa mō ngā tūranga katoa?

Kāo. Ka kore tō ingoa e tukua noa ki ngā tono katoa. Ina tae mai ngā tono a ngā tari mō ngā momo pūkenga, ngā tohu mātauranga me ngā wheako e whāia ana e rātou, ko tā mātou, he āta rapu i te tangata e hāngai ana ki ngā hiahia o ia tūranga.

Mēnā ka tonoa au mō tētahi tūranga, ka taea e au te whakahē i taua tono?

Āe. Ehara i te mea me whakaae koe ki ngā tūranga.

E noho muna ana āku kōrero?

Ka whakamahia ngā kōrero e mau ana ki te pātengi raraunga e Te Pae Ārahi anake, waihoki ko ngā kōnae kōrero e whakaputaina ana e Te Puni Kōkiri. Ka āta manaakihia ēnei kōrero.

Ina rēhita koe, kei a koe te tikanga mēnā ka taea e Te Puni Kōrero te hoatu i ō kōrero ki ētahi atu tari, ki ētahi Minita rānei, hei whiriwhiri mō ētahi atu tūranga. Ka kuhu atu koe ki te pae tukutuku, ka āhei noa koe ki te tini i ō tohutohu e pā ana ki tēnei tūāhuatanga.

Me pēhea taku tirotiro i ngā kōrero e mau ana i Te Pae Ārahi e pā ana ki a au?

Ka āhei noa koe ki te tirotiro, ki te whakatikatika, ki te tango rānei i ō kōrero mā Te Pae Ārahi. Mēnā kei te hiahia koe ki te kōrero mō te rēhitatanga, mō te whakahoutanga rānei o ō kōrero ki Te Pae Ārahi, tēnā koa, whakapā mai ki nominations@tpk.govt.nz, waeahia rānei ki tō mātou Tari Matua ki  0800 875 663.

Ka taea e au te tuku atu i te ingoa o tētahi atu?

Kāo. Mēnā e mōhio ana koe ki tētahi tangata pai mō tētahi tūranga i runga i tētahi poari kāwanatanga, i tētahi kōmiti, i tētahi rōpū tāpae kōrero rānei, tēnā koa ākina rātou ki te rēhita ki Te Pae Ārahi.

Mā te tangata anō āna kōrero matatapu e hōmai kia pai ai tō mātou manaaki i aua kōrero.

Mēnā kua hoatu kē au i aku kōrero ki Te Puni Kōkiri Nominations Service o mua, me rēhita au ki te pae tukutuku hou?

Āe, me tuku atu ō kōrero me tō tātai tangata ki te pae tukutuku hou a Te Pae Ārahi.

Ka taea e au te tuku i taku rēhita mā te reo Māori?

Āe mārika.

He pātaka raraunga tūranga mahi tēnei?

Kāo. Ehara tēnei i te ratonga kimi mahi. Kei te rapu mātou i ngā tāngata hei whakatū ki ngā poari kāwanatanga, ki ngā kōmiti me ngā rōpū tāpae kōrero.

Kātahi anō au ka puta atu i tētahi kura tuatoru, me rēhita au ki Te Pae Ārahi?

Tēnā rawa atu koe i te whakatutukinga o āu akoranga. Kei te rapu te nuinga o ngā whakahaere i ngā tāngata kua roa e mahi ana ki ngā tūranga matua, heoi, kei te tipu haere te nui o ngā tari kāwanantaga e akiaki ana i ngā rangatahi ki te tū ki runga i ngā poari whakahaere.

He pai noa iho te rēhita ki Te Pae Ārahi, ā, ki te whakahou hoki i ō kōrero i roto i te wā.

Me haere au ki hea ki te kimi kōrero anō mō ngā poari whakahaere, mō mō te mahi whakangungu rānei mō ngā poari whakahaere?

Kei te pae tukutuku o Te Puni Kōkiri ētahi kōrero whānui mō te mahi whakahaere poari me ngā āhuatanga motuhake e pā ana ki ngā Māori e mahi ana ki ngā poari whakahaere.

He maha ngā whare tūmataiti me ngā whare pūkenga e whakaako ana i ngā mahi whakahaere poari pērā i te Institute of Directors in New Zealand, waihoki ko ngā whakahaere Māori pērā i Te Tumu Paeroa me Te Wharehukahuka. Tiroha te ipurangi mō ngā whare e whakahaere ana i ngā kaupapa whakangungu e hāngai ana ki ō hiahia.

He aha atu anō ētahi pae rārangi tāngata?

He pae kimi kaitono hoki tā ngā tari kāwanatanga e whai ake nei:

 

Back to top