PEKE ATU KI TE RĀRANGI TAKE MATUA / TIROHANGA MĀORI NOA
Mō Tēnei Pae Tukutuku

Te Tūmataititanga

E noho here ana Te Puni Kōkiri kia pupuritia te tūmataiti mō ngā tāngata katoa ka toro atu ki te pae tukutuku nei. Ka pēnei ai mā ngā tikanga e whai ake nei:

Ngā pārongo whaiaro ka tukuna mai ki a mātou

Ka taea e wai noa te uru atu ki tēnei pae tukutuku me te tirotiro haere mōna ake. Kāore mātou e hopu aunoa i ngā pārongo whaiaro mai i ngā kaiwhakamahi takitahi.

Engari, kohikohi ai mātou i ngā mokamoka whaiaro ka āta kuhuna ki runga i te pae tukutuku nei mā:

  • Te whakamahi puka tono/rēhita rānei;
  • Te tuku emera mai rānei ki a mātou, mō te:
    • Tono whakaputanga, pānui pūrongo rānei;
    • Tuku urupare;
    • Tono pārongo atu anō rānei mai i te Rātonga Pārongo

Kāore mātou i te kohikohi pārongo e pā ana ki o mātou kaitoro mai i ētahi atu puna pārongo pērā i ngā rikoata tūmatanui, rōpū tūmatanui, rōpū tūmataiti rānei.

Ka hopu pārongo mātou mō te aha?

Ka whakamahia te pārongo whaiaro ka tuku koe ki a mātou mō te take anake i tukuna. Hei tauira, mehemea ka tukuna mai ōu mokamoka whaiaro kia taea ai e mātou te tuku atu he whakaputanga, ka noho aua mokamoka ki runga i te pātengi raraunga. Kāore e taea e mātou te whakamahi i aua pārongo mō tētahi atu take.

Ka puritia ēnei pārongo whaiaro mō te wā anake ka hiahiatia kia whakatutuki i te take i tukuna mai ai. Tēnā pea hei ētahi wā ka pātai atu mātou ki a koe mehemea e hiahia tonu ana koe kia pupuri mātou ki aua pārongo. Kei a koe te tikanga kia kī mai ki a mātou me whakakore me whakarerekē rānei aua pārongo.

Pēhea tō mātou tiaki i ēnei pārongo whaiaro?

Ka tiakina ōu pārongo whaiaro i runga anō i te take i tukuna mai ai ki a mātou. Nā reira tēnā pea ka taea e ngā kaimahi katoa o Te Puni Kōkiri te titiro atu ki aua pārongo. Engari ka tiakina tonutia tōu tūmataititanga mā te kawenga ka utaina ki runga i ngā kaimahi katoa kia whakautehia te tūmataititanga o ngā pārongo whaiaro o ngā manuhiri.

Ka ngana hoki mātou kia tiakina ōu pārongo whaiaro mā ngā tikanga hangarau kia kore ai e:

  • Uru koremana he tangata ki ngā pārongo nei;
  • Hē te whakamahi, whāki koremana rānei i ngā pārongo;
  • Whakarerekē koremana; me te
  • Turaki koremana, te ngaromanga kōpeka rānei.

Kāore e tae e ngā manuhiri me ngā tāngata no waho atu o Te Puni Kōkiri te uru atu ki ngā pārongo whaiaro ka tukuna e koe. Ka kore hoki mātou e whāki i ōu pārongo whaiaro ki tētahi atu rōpū kia whiwhi whakaaetanga rānō mai i a koe, kia whakahautia rānō rānei e te ture, e tētahi ture tuku rānei.

Ōu tika

Ka taea e koe te tono mai kia tukuna he kapi o ngā pārongo whaiaro katoa mā te whakapā mai ki a mātou, tuku emera rānei ki Rātonga Pārongo Ka whakarite mātou o tōu tono, ā, ka tukuna ngā pārongo katoa e pā ana ki a koe i roto i te 20 rangi mahi. Kāore he utu mō tēnei.

Ka taea hoki e koe te whakarerekē, te whakahou rānei i ōu pārongo whaiaro e pupuri nei mātou. Kāore he utu mō tēnei. Tēnā koe whakapā atu ki Rātonga Pārongo .

He pātai, he urupare rānei

Mehemea kei a koe ētahi pātai e pā ana ki to mātou kaupapa here tūmataiti, tōu pārongo whaiaro rānei kua tukuna mai ki a mātou, tēnā koa whakapā mai ki a Rātonga Pārongo

Mehemea kāore koe i te manawareka ki o mātou urupare, tēnā pea ka pirangi whakapā atu koe ki te Kaikomihana Tūmataiti

Last modified: 26/08/2011