“Ahakoa kei te manawarau tonu ētahi o tātou, he nui te pānga o ngā pakanga o mua i waenganui i te Māori me ngā hōia o Peretania ki te āhua o tō tātou whenua ināianei,” tana kī.

Ka tū te hui whakamahara ā-motu o Te Pūtake o Te Riri – Wars and Conflicts in New Zealand mai i te Rāmere 9 ki te Rātapu 11 o Poutūterangi ki Waitangi me Kororāreka i Te Tai Tokerau.

Koia te wāhi i tū ai te Riri ki Kororāreka. Ka whakapuakina taua pakanga i te 11 o Poutūterangi i te tau 1845, ko te hinganga o te tāone o Kororāreka te otinga atu.

Hei tā Di, he kōrero nui te Riri ki Kororāreka me ērā atu pakanga ā-motu i roto i te hītōria o Aotearoa. Kei te rangona tonutia te pānga o aua pakanga e te tokomaha.

"He mea nui kia whakmaharatia ngā pakanga me ngā tohe i tū ki tō tātou ake whenua pēnā ki ērā i tū ki whenua kē.

“Mā te whakawhitiwhiti kōrero mō ngā tini tirohanga ki ēnei pakanga, ki ēnei tohe e mārama ake ai, e aro nui mai ai te nuinga. Ko te tūmanako ka hīkina ngā mamae, ka ahu whakamua tātou katoa."

Te Pūtea a Te Pūtake o Te Riri ki Aotearoa

He mea tautoko te hui whakamahara ā-motu ki Te Tai Tokerau, nā Te Pūtea a Te Pūtake o Te Riri ki Aotearoa. I whakarewaina te pūtea e Te Puni Kōkiri i te tau 2017.

Ko tā te pūtea nei, he tautoko i ngā iwi, i ngā hapū, i ngā whānau anō hoki ki te whakatū kaupapa whakamahara mō ngā riri me ngā tohe o mua a ngā iwi ki te Karauna.

Tērā anō ētahi kaupapa ā-rohe he mea tautoko nā tēnei pūtea i tērā tau, arā, ko te whakatūnga tuatahi o He Rā Maumahara tētahi. Ka tū taua hui i te 28 o Whiringa-ā-nuku i ia tau.

 

Kaimahi Pāpāho

Nicky Birch
Te Puni Kōkiri, Tumu Whakahaere Puni Pāpāho
bircn@tpk.govt.nz or 0277627293