Kua whakaputaina te rārangi poto mō ngā Tohu Pikihuia 2015 e te Māori Literature Trust.

“Mai i te 180 neke atu ngā tono i tae mai i tēnei tau, e koa ana mātou ki te whakaingoa i ngā kaituhi Māori 14 i eke ki te taumata o ngā Tohu Pikihuia i tēnei tau,” te kī a Eboni Waitere, te Kaiwhakahaere Matua o HUIA.

Te Tino Pūrākau Poto i tuhia ki te reo Māori

• Darryn Joseph mō ‘Taku Ao, Tō Mate Kanehe’
• Vincent Olsen-Reeder mō ‘Te Reo o te Kuia’
• Zeb Tamihana Nicklin mō ‘Taku Rua Rau’

Te Tino Pūrākau Poto i tuhia ki te reo Ingarihi

• Robert MacDonald mō ‘Old Totara’
• Toni Pivac mō ‘In The Space of a Moment’
• Aroha Bentson mō ‘The Power of Water’

Mō te Tino Kohika Pukapuka Pūrākau i tuhia ki te reo Ingarihi

• Ann French mō ‘Hands of Time’
• Anya Ngawhare mō ‘Average Kids and Bigots’
• Andre Hetariki mō ‘Tangaroa’s Promise’

Mō te Tino Tuhinga Ataata Poto

• Aroha Awarau mō ‘Puti’
• Aroha Awarau mō ‘Poi’
• Vicki-Anne Heikell mō ‘Priscilla and the Miracles’

Te Tino Pūrākau Poto i tuhia e te Ākonga Kura Tuarua

• Anna-Rose McGarvey, Otakiri School mō ‘Enlisted’
• Imogen Porter, Wellington High School mō ‘Street Lights’
• Lucy Matehaere, Otago Girl’s High School mō ‘Maia’s Bay’

Ko te tau 2015 te Rua Ngahurutanga o ēnei Tohu. I te whakatūtanga a HUIA Publishers i ngā tohu i te tau 1995 i whakaingoatia ko ngā Huia Short Story Awards, engari i hurihia te ingoa ki ngā Tohu Pikihuia i te tau 2007.

“He waimaria katoa au ki te mahi i te taha o te tokomaha tonu o ngā kaituhi Māori mō te rua tekau tau kua pahure ake nei, tae atu ki ngā kaituhi rongonui pērā i a Whiti Hereaka, a Tina Makereti, a James George, a Jacqui McRae, a Mark Sweet, me Tihema Baker.  Heoi anō, he ōrite anō ā rātou tīmatanga ki te hunga kua uru mai ki ngā Tohu Pikihuia i tēnei tau.

Ko te tikanga o ngā Tohu ko te whakatenatena me te whakatairanga i ngā kaituhi Māori, oti rā kua whakaaturia e ngā kaituhi 14 i te rārangi poto kei te tino taumata ō rātou pūkenga, tō rātou kaingākau.

I whakawāngia te wāhanga pukapuka pūrākau e Witi Ihimaera, ko tāna – kei reira hoki, he Māori te whakaaro, he pai te wairua, ka mutu, he pūmanawa ō rātou katoa ki te tutuki i te mahi e tika ana hei whakaoti i tētahi pukapuka pūrākau.”

Kei te whakahaerehia ngā tohu e te Māori Literature Trust, ā, he toa kei ia wāhanga tuwhera, ka whiwhi ia toa i te $2,000, ka whiwhi hoki tētahi tokorua i te $500 ki ia tangata.  I te wāhanga Kura Tuarua ka whiwhi te toa i te $500, ka whiwhi hoki te kura $250 o ngā pukapuka mai i a HUIA, ka whakamihia hoki tētahi tokorua mō te tino pai o te mahi ki te $250 me te $100 o ngā pukapuka nō HUIA.

 

Ka whakatairangatia hoki ngā toa o ngā wāhanga tuwhera me ētahi o ngā tuhinga i tae mai e HUIA Publishers mā te whakaputa i ngā tuhinga ki Huia Stories 11.

Mō ētahi atu kōrero haere ki www.huia.co.nz.