Te Puni Kokiri

Te reo ka pīrangitia: Māori English

Te reo ka pīrangitia: Māori English

Te Manatū Taonga

Ko te Cultural Funding Guide he pātengi raraunga ā-Ipurangi kua hoahoangia kia māmā ake ai te kimi i ngā pūtea taunaki mō ngā mahi toi, mahi ahurea, hītori hoki.   Ka kitea e koe ngā pūtea taunaki me ngā kaituku pūtea ka tautoko pea i te takitahi, i ngā rōpū me ngā kaupapa.  

Toi Aotearoa

Ka taunaki ā-pūtea i ngā kaitoi me ngā whakahaerenga toi, mā ētahi kaupapa

  • Ko Toi Ake tētahi kaupapa pūtea e whai pānga ana ki ngā iwi, ngā hapū, ki ngā rōpū ā-whakapapa – maata waka hoki – hei whakatō, hei pupuri hoki i ngā tikanga o Ngā Toi Māori.   E rua ngā wā i ia tau ka tūwheratia a Toi Ake, ā, ko ngā rā kati i 2014 ko te 28 o Huitanguru me te 5 o Mahuru.  
  • Ko tā te kaupapa Tohunga/Tukunga mahi kia tuku pūtea hei tautoko i te tiaki me te tuku iho tonu i te mātauranga me ngā tikanga o Ngā Toi Māori, mā te tuku pūtea mō ngā hononga akopono i waenga i te Tohunga me te Tukunga.   Ko te whāinga kia āhei ai ngā hapori Māori ki te tautoko i te hunga tohunga kei roto i aua hapori ki te whakaako i ngā tikanga ahurea, toi hoki.

Te Papa Atawhai 

Ko te Pūtea Mātauranga Kura Taiao tētahi pūtea tauwhawhai ka taunaki i ngā kaupapa a te hapū, a te iwi rānei ki te pupuri, ki te toko ake hoki i te mātauranga tuku iho a te Māori me tāna whakamahinga i roto i te whakahaeretanga koiora kanorau.   Ko Ngā Whenua Rāhui tētahi pūtea tauwhawhai a te Minita i whakatūria ai i te tau 1991 ki te whakarato pūtea mō te tiaki i ngā pūnaha hauropi taketake kei ngā whenua Māori.   Ko tāna whānuitanga, ko ngā momo kanorau taiao katoa i te whaitua mai rā anō, nōnamata.  

Ko Te Rua Mahara o te Kāwanatanga  

Ko tā te Recording Capability team ki Te Rua Mahara o te Kāwanatanga ko te toko ake i te hira o ngā pūranga huri noa i Aotearoa, ka whakarato i te whakangungu pūranga, i te tohutohu me te taunaki hei whakakaha i ngā hapori ki te whakahaere, ki te tiaki hoki i ā rātou pūranga, taonga rānei.

Back to top