Te Puni Kokiri

Te reo ka pīrangitia: Māori English

Te reo ka pīrangitia: Māori English

Ki Te Puni Kōkiri, ko te whakawhanake marae te mea tautoko i te marae kia tū hei kaupapa tōnui, kaupapa motuhake hoki.   Kei ia marae ōna āhua ahurei, a nui, a momo, a hanga hoki.   E tika ana mō te rangatiratanga kia tautuhia ngā whāinga o te marae.   Tae rā anō pea ēnei ki ngā whāinga o te iwi, te hapū me te whānau Māori, tae rawa atu ki ngā whāinga o te marae hei mea motuhake.

Kua whakahaerehia e Te Puni Kōkiri ētahi tūmomo rangahau ki te tuku pārongo, ki te āwhina hoki i ngā marae kia tū motuhake ai, kia tū whakauka ai hoki ā ngā rā haere ake nei. Ko ēnei mahi te aromatawai i te hauora o te marae (i ngā tau 1997 me 2009), hei whakatōpū i ngā āhuatanga whai hua me ngā tauārai i te whakawhanaketanga marae e whai pārongo ai te whakawhanake kaupapa.  

I te tīmatanga o te tau 2012 i whakaputaina e Te Puni Kōkiri tētahi pūrongo: Te Ora o Te Marae 2009 ko tōna pūtake mai ko ngā pārongo i tīkina ai i ngā marae huri noa i Aotearoa.  

Ka whakarato a Te Puni Kōkiri i ngā ratonga whakawhitiwhiti, āwhina hoki mā ngā marae kia whiwhia ai ki ngā rauemi mai i ngā pokapū me ngā rōpū o te taha tūmataiti, o te taha tūmatanui hoki.   Tēnā whakapā atu ki tō Tari ā-Rohe o Te Puni Kōkiri.  

Ko ngā pārongo me ngā rauemi pae tukutuku ka āwhina pea i ngā marae kua whakarōpūngia i raro i ngā rohenga matua e toru e whai ake nei:  

Te Hanga me te Āheitanga Ahurea

Te Hanga me te Āheitanga Ahurea, ka tirohia ngā hapori marae, te hītori o te marae, te mātauranga Māori me te whakamahinga o ngā marae;  

Te Hanga ā-Tinana me te Āheitanga

Te Hanga ā-Tinana me te Āheitanga, ka whakatakotoria te tikanga o te uru-ā-tinana ki te marae, ngā whare o reira, ngā taputapu me te kahapupuri o te marae; me  

Te Hanga Whakahaere me te Āheitanga

Te Hanga Whakahaere me te Āheitanga, ka whai i ngā tikanga ture, ngā mahi me nga kawenga a ngā tarati, te whakahaere pūtea, te rīanga, te whakamahere kaupapa, ngā hono ā ngā hunga mahi, ngā hononga o-waho hoki.  

Back to top