Te Puni Kokiri

Te reo ka pīrangitia: Māori English

Te reo ka pīrangitia: Māori English

“Aroha ki te tangata / For the love of the people”

He toka tū moana, ka tū, ka tū, ka tū ahakoa i āwhātia mai e te rangi, i whakapākākātia e te whitinga o te rā;
He toka tū moana, tū tonu, tū tonu! Tīhei Mauri ora!

Mō ngā Wātene Māori

Ehara ngā Wātene Māori i te pirihimana, heoi, he kawenga ā-ture ā rātou i raro i te Māori Community Development Act 1962.

Ko te tino painga o ngā Wātene Māori ko tō rātou mōhio ki te rohe me tō rātou whanaungatanga ki te hapori.

Ko ngā mātāpono hei ārahi i te Wātene Māori ko te whakamana tangata, ko te awhi, ko te aroha me te whanaungatanga. Ko ēnei ngā uara:

  • Rangimārie
  • Manaaki
  • Kōrero
  • Whakaiti
  • Tautoko
  • Pono

Ko tā ngā Wātene Māori, he hāpai i te haumarutanga o ngā hapori, he whakatenatena, he āwhina i ngā rangatahi, he tautoko anō i ngā whānau.

He kaimahi tūao te Wātene Māori huri noa i Aotearoa, arā, ko tāna he tautoko, he whakamarumaru, he tohutohu motukā me ngā huinga tāngata, he āwhina tūroro me te tuku i ētahi atu ratongo ki te hapori.

Ngā Karere me ngā Kōrero

Kei raro iho nei ngā karere me ngā kōrero o te wā:

A karakia and a cuppa

PĀNUI TONU

Talking and listening are key: Ray Coffin

PĀNUI TONU

Ngāti Toa Māori Wardens Praised for Service to Community

PĀNUI TONU

Māori Wardens Assist at Royal Visit

PĀNUI TONU

Seeing the Kids Happy and Seeing Them Safe

PĀNUI TONU

Murihiku Māori Wardens Win Supreme Community Award

PĀNUI TONU

Ngā Putanga Kōrero

He puka whakamārama mā ngā Wātene Māori hou hei ārahi i a koe i roto i tō tūranga hou.

PĀNUI TONU [PDF,3.19MB]

Ngā momo hōtaka whakangungu mā ngā Wātene Māori hei hāpai i te whanaketanga o ō tātou tāngata.

PĀNUI TONU [PDF, 980KB]

He pūtea tēnei hei āwhina i a koe ki te tuku ratonga i te hapori, hei whakapakari i te kaha me te āheinga o ngā whakahaere, hei tautoko anō i ngā kaupapa ā-motu.

PĀNUI TONU [PDF, 2.80MB]

 

Pānuitia mai ētahi atu putanga mō ngā Wātene Māori

Ngā Kaiwhakarite ā-Rohe o ngā Wātene Māori

He Kaiwhakarite ā-Rohe kei ia rohe huri noa i te motu (e whitu ngā rohe). Ko tā te Kaiwhakarite ā-Rohe he tūhono atu i ngā umanga ā-rohe me ngā momo rōpū i taua hapori hei whakatairanga i ngā momo ratonga a ngā Wātene Māori.

Tāmaki Makaurau me Te Taitokerau

Ko Hoana Parangi (nō Ngā Puhi) te Kaiwhakarite ā-Rohe e mahi ana i ngā rohe o Te Taitokerau tae atu ki Tāmaki Makaurau, arā, mai i Puketutu i te tonga ki Te Hiku o te Ika i te raki.

Kei te noho a Hoana ki Tāmaki Makaurau. Ko tāna, he tautoko i ngā wātene e pā ana ki ā rātou kaupapa huhua, he ārahi hoki i a rātou i ngā wā e tika ana. Nā tēnei tūranga kei te hāpai ia i ngā mahi a ngā Wātene Māori e mahitahi ana ki ō rātou ake hapori, arā, ko ngā whānau, ko ngā hapū, ko ngā iwi anō.

Tau waea: 027 598 9871 or 09 571 2966 Īmēra: parho@tpk.govt.nz.

Waikato Tainui

Ko Pareaute Panapa-Solomon (nō Waikato, nō Ngāti Maniapoto, nō Ngāti Whātua, nō Ngāpuhi, nō Rongowhakaata, nō Ngāti Porou).te Kaiwhakarite ā-Rohe i te rohe o Waikato – Tainui, arā, mai i Puketutu me te Pūaha o Waikato i te raki, ki Mōkau i te uru, whakawhiti atu ki te Rohe Pōtae i te rāwhiti, tae atu ki te pae maunga o Kaimai, ki Hauraki anō, e hoki atu ana ki te raki ki te takiwā o Te Tara o te Ika a Māui.

Ko tā Pareaute he whakaū i ngā hononga i waenga i ngā whānau, i ngā hapū, i ngā marae me ngā momo whakahaere hei whakapakari i ngā mahi a ngā wātene i tōna rohe. Kei raro tēnei rohe i te marumaru o te Kīngitanga. He kaupapa motuhake tēnei i tōna rohe.

Tau waea: 027 465 5843 or 09 571 2966 Īmēra: panap@tpk.govt.nz.

Te Whanganui-a-Tara, Kāpiti, Horowhenua me Manawatū

Ko Diane Kawana (nō Ngā Wairiki) te Kaiwhakarite ā-Rohe i te rohe o Te Whanganui-a-Tara. E kapi ana tēnei rohe i Te Whanganui-a-Tara tae atu ki Kāpiti, ki Horowhenua me Manawatū

Hei tā Diana, nā tana tūranga hei kaiwhakarite ā-rohe kua āhei ia ki te whakarato rawa whai take hei hāpai i ngā hiahia o ngā Wātene Māori e mahitahi ana ki ngā whānau, ki ngā hapū me ngā iwi i ō rātou hapori whānui.

Tau waea: 027 415 9837 Īmēra: kawad@tpk.govt.nz.

Whanganui, Taranaki, Rangitikei me Ruapehu

Ko Wayne Seeley (nō Ngāpuhi) te Kaiwhakarite ā-Rohe i te rohe o Whanganui. E kapi ana tōna rohe i te takiwā o Whanganui, o Taranaki, o Rangitīkei me Rapehu, waihoki, ko te rohe o Waiariki tae atu ki Tauranga me Whakatāne. E 22 tau a Wayne e mahi ana hei Wātene Māori. Kua mahi ngātahi hoki a ia ki te Kaunihera Māori ā-Rohe.

E ngākaunui ana a ia ki āna mahi i te taha o ngā Wātene Māori i tōna rohe. Kei te hiahia ia kia whakanuia ngā mahi a ngā Wātenei Māori i ō rātou hapori. Hei tāna, mā te whakapakari i ngā wātene ka ea ai tēnei wawata.

Tau Waea: 027 415 9651 Imēra: seelw@tpk.govt.nz .

Te Tairāwhiti, Heretaunga me Te Wairarapa

Ko Robert Whaitiri (nō Rongowhakaata, nō Ngāti Kahungunu) te Kaiwhakarite ā-Rohe mō ngā rohe o Tūranga me Heretaunga. E kapi ana tōna rohe i Te Tairāwhiti, tae noa atu ki Heretaunga (Te Matau a Māui) me Te Wairarapa.

Mā tōna tūranga kei te pīrangi a Robert ki te whakakotahi i ngā rōpū wātene katoa, kia ahu whakamua rātou. Hei tāna, nā runga i te āhua o ngā whakahaere i ēnei rā, kei te whakataetae ngā rōpū wātene mō ngā kaupapa mahi me te pūtea.

He toa takitini taku toa. Mehemea ka kōkiri whakamua tātou, kia toitū tō tātou noho, waihoki, kia aro nui tātou ki te taha pakihi me te whai kirimana ka pakari haere te tū o ngā Wātene Māori e eke ai ā rātou mahi ki te taumata e tika ana.

Tau waea: 027 296 9654 Īmēra: whair@tpk.govt.nz.

Te Waipounamu

Ko Meikura Taiaroa Arahanga (nō Kāi Tahu, nō Te Arawa, nō Ngāti Rangi) te Kaiwhakarite ā-Rohe i ngā tari o Ōtautahi me Whakatū. Ka kapi tōna rohe i te katoa o Te Waipounamu. I mua i tana hokinga atu ki Ōtautahi, i te noho ia i te rohe o Te Wairarapa. Hei tāna, hei kinaki noa te mahi a te Kaiwhakarite ā-Rohe ki ngā mahi a ngā Wātene Māori.

Tau waea: 027 415 9951 Īmēra: arahm@tpk.govt.nz.

Ngā Kaupapa me ngā Pānui

Kua rārangi mai ngā kaupapa me ngā pānui ki raro iho nei.

  • NGA KUAHA TUMANAKO - GRIEF CONFERENCE

    • Date: 03 October 2017 to 04 October 2017

    A conference to be held at Turangawaewae Marae on 3rd & 4th October, 2017. Supporting whanau impacted by loss, grief and suicide

    Read more

    • Open to the public, no booking required
    • Organiser: TAUPIRIPIRI CHARITABLE TRUST
  • Organisational Outcomes and Meaningful Measures

    • Date: 20 June 2017
    • Time: 2pm – 3.15pm

    Do you manage multiple projects, with multiple plans, multiple outcomes and multiple measures, and do you seek one framework for all of your outcomes and measures?

    Read more

    • Registration required
    • Organiser: Community Research
  • Māori Wardens Conference held to discuss proposed plans for an independent future

    • Date: 06 June 2017

    Three hundred Māori Wardens from around Aotearoa travelled to Rotorua on 1 June to discuss two key kaupapa that could move Māori Wardens towards an independent future.

    Read more

  • Free Lunchtime Webinar on Statement of Service Performance

    • Date: 13 April 2017
    • Time: 12.00pm – 1.00pm

    Stuck on Statement of Service Performance? Free webinar to help you find your feet with the new reporting standards for registered charities.

    Read more

    • Registration required
    • Organiser: Charities Services
  • Prince Charles and the Duchess of Cornwall being welcomed onto Tūrangawaewae.

    Māori Wardens Assist at Royal Visit

    • Date: 16 December 2015

    Prince Charles and the Duchess of Cornwall were welcomed onto Tūrangawaewae Marae in Ngāruawāhia in early November. The event attracted a crowd of nearly 3,000 people. Māori Wardens from across the motu came to help and assist on the day.

    Read more

Back to top