“Aroha ki te tangata / For the love of the people”
- Mō ngā Wātene Māori
- Ngā Karere me ngā Kōrero
- Ngā Putanga Kōrero
- Ngā Kaiwhakarite ā-Rohe o ngā Wātene Māori
- Events and updates
He toka tū moana, ka tū, ka tū, ka tū ahakoa i āwhātia mai e te rangi, i whakapākākātia e te whitinga o te rā;
He toka tū moana, tū tonu, tū tonu! Tīhei Mauri ora!
Mō ngā Wātene Māori
Ehara ngā Wātene Māori i te pirihimana, heoi, he kawenga ā-ture ā rātou i raro i te Māori Community Development Act 1962.
Ko te tino painga o ngā Wātene Māori ko tō rātou mōhio ki te rohe me tō rātou whanaungatanga ki te hapori.
Ko ngā mātāpono hei ārahi i te Wātene Māori ko te whakamana tangata, ko te awhi, ko te aroha me te whanaungatanga. Ko ēnei ngā uara:
- Rangimārie
- Manaaki
- Kōrero
- Whakaiti
- Tautoko
- Pono
Ko tā ngā Wātene Māori, he hāpai i te haumarutanga o ngā hapori, he whakatenatena, he āwhina i ngā rangatahi, he tautoko anō i ngā whānau.
He kaimahi tūao te Wātene Māori huri noa i Aotearoa, arā, ko tāna he tautoko, he whakamarumaru, he tohutohu motukā me ngā huinga tāngata, he āwhina tūroro me te tuku i ētahi atu ratongo ki te hapori.
Ngā Karere me ngā Kōrero
Kei raro iho nei ngā karere me ngā kōrero o te wā:
Ngā Putanga Kōrero
Pānuitia mai ētahi atu putanga mō ngā Wātene Māori
Ngā Kaiwhakarite ā-Rohe o ngā Wātene Māori
He Kaiwhakarite ā-Rohe kei ia rohe huri noa i te motu (e whitu ngā rohe). Ko tā te Kaiwhakarite ā-Rohe he tūhono atu i ngā umanga ā-rohe me ngā momo rōpū i taua hapori hei whakatairanga i ngā momo ratonga a ngā Wātene Māori.
Tāmaki Makaurau me Te Taitokerau
Ko Hoana Parangi (nō Ngā Puhi) te Kaiwhakarite ā-Rohe e mahi ana i ngā rohe o Te Taitokerau tae atu ki Tāmaki Makaurau, arā, mai i Puketutu i te tonga ki Te Hiku o te Ika i te raki.
Kei te noho a Hoana ki Tāmaki Makaurau. Ko tāna, he tautoko i ngā wātene e pā ana ki ā rātou kaupapa huhua, he ārahi hoki i a rātou i ngā wā e tika ana. Nā tēnei tūranga kei te hāpai ia i ngā mahi a ngā Wātene Māori e mahitahi ana ki ō rātou ake hapori, arā, ko ngā whānau, ko ngā hapū, ko ngā iwi anō.
Tau waea: 027 598 9871 or 09 571 2966 Īmēra: parho@tpk.govt.nz.
Waikato Tainui
Ko Pareaute Panapa-Solomon (nō Waikato, nō Ngāti Maniapoto, nō Ngāti Whātua, nō Ngāpuhi, nō Rongowhakaata, nō Ngāti Porou).te Kaiwhakarite ā-Rohe i te rohe o Waikato – Tainui, arā, mai i Puketutu me te Pūaha o Waikato i te raki, ki Mōkau i te uru, whakawhiti atu ki te Rohe Pōtae i te rāwhiti, tae atu ki te pae maunga o Kaimai, ki Hauraki anō, e hoki atu ana ki te raki ki te takiwā o Te Tara o te Ika a Māui.
Ko tā Pareaute he whakaū i ngā hononga i waenga i ngā whānau, i ngā hapū, i ngā marae me ngā momo whakahaere hei whakapakari i ngā mahi a ngā wātene i tōna rohe. Kei raro tēnei rohe i te marumaru o te Kīngitanga. He kaupapa motuhake tēnei i tōna rohe.
Tau waea: 027 465 5843 or 09 571 2966 Īmēra: panap@tpk.govt.nz.
Te Whanganui-a-Tara, Kāpiti, Horowhenua me Manawatū
Ko Diane Kawana (nō Ngā Wairiki) te Kaiwhakarite ā-Rohe i te rohe o Te Whanganui-a-Tara. E kapi ana tēnei rohe i Te Whanganui-a-Tara tae atu ki Kāpiti, ki Horowhenua me Manawatū
Hei tā Diana, nā tana tūranga hei kaiwhakarite ā-rohe kua āhei ia ki te whakarato rawa whai take hei hāpai i ngā hiahia o ngā Wātene Māori e mahitahi ana ki ngā whānau, ki ngā hapū me ngā iwi i ō rātou hapori whānui.
Tau waea: 027 415 9837 Īmēra: kawad@tpk.govt.nz.
Whanganui, Taranaki, Rangitikei me Ruapehu
Ko Wayne Seeley (nō Ngāpuhi) te Kaiwhakarite ā-Rohe i te rohe o Whanganui. E kapi ana tōna rohe i te takiwā o Whanganui, o Taranaki, o Rangitīkei me Rapehu, waihoki, ko te rohe o Waiariki tae atu ki Tauranga me Whakatāne. E 22 tau a Wayne e mahi ana hei Wātene Māori. Kua mahi ngātahi hoki a ia ki te Kaunihera Māori ā-Rohe.
E ngākaunui ana a ia ki āna mahi i te taha o ngā Wātene Māori i tōna rohe. Kei te hiahia ia kia whakanuia ngā mahi a ngā Wātenei Māori i ō rātou hapori. Hei tāna, mā te whakapakari i ngā wātene ka ea ai tēnei wawata.
Tau Waea: 027 415 9651 Imēra: seelw@tpk.govt.nz .
Te Tairāwhiti, Heretaunga me Te Wairarapa
Ko Robert Whaitiri (nō Rongowhakaata, nō Ngāti Kahungunu) te Kaiwhakarite ā-Rohe mō ngā rohe o Tūranga me Heretaunga. E kapi ana tōna rohe i Te Tairāwhiti, tae noa atu ki Heretaunga (Te Matau a Māui) me Te Wairarapa.
Mā tōna tūranga kei te pīrangi a Robert ki te whakakotahi i ngā rōpū wātene katoa, kia ahu whakamua rātou. Hei tāna, nā runga i te āhua o ngā whakahaere i ēnei rā, kei te whakataetae ngā rōpū wātene mō ngā kaupapa mahi me te pūtea.
He toa takitini taku toa. Mehemea ka kōkiri whakamua tātou, kia toitū tō tātou noho, waihoki, kia aro nui tātou ki te taha pakihi me te whai kirimana ka pakari haere te tū o ngā Wātene Māori e eke ai ā rātou mahi ki te taumata e tika ana.
Tau waea: 027 296 9654 Īmēra: whair@tpk.govt.nz.
Te Waipounamu
Ko Meikura Taiaroa Arahanga (nō Kāi Tahu, nō Te Arawa, nō Ngāti Rangi) te Kaiwhakarite ā-Rohe i ngā tari o Ōtautahi me Whakatū. Ka kapi tōna rohe i te katoa o Te Waipounamu. I mua i tana hokinga atu ki Ōtautahi, i te noho ia i te rohe o Te Wairarapa. Hei tāna, hei kinaki noa te mahi a te Kaiwhakarite ā-Rohe ki ngā mahi a ngā Wātene Māori.
Tau waea: 027 415 9951 Īmēra: arahm@tpk.govt.nz.
Ngā Kaupapa me ngā Pānui
Kua rārangi mai ngā kaupapa me ngā pānui ki raro iho nei.
-
Earthquake response leads to ongoing relationship with New Zealand Red Cross in Kaikōura
The relationship was a natural fit since the organisations have similar kaupapa - to provide support to the Kaikōura community.
-
Funding will move rangatahi Māori from learning to earning
$14 million in Budget ‘18 has been set aside to support outcomes for rangatahi Māori that enhance their education and employment opportunities.
"We want to help rangatahi Māori overcome the challenges preventing them from fulfilling their potential. This funding will be focused on identifying the enabling factors that motivate rangatahi towards greater and more meaningful goals for them, and more enduring outcomes overall for their whānau," says Minister Mahuta.
-
New funding to support Māori Wardens work with disengaged rangatahi
$1 million in Budget 2018 has been set aside for Māori Wardens to support outcomes for rangatahi Māori that will enhance their education and employment opportunities.
-
New interim Māori Warden Warranting process ensures consistency throughout the motu
Mā whero mā pango ka oti ai te mahi
With red and black the work will be complete
-
Sitting down for a cuppa tea with the Prime Minister
Everyone enjoys sitting down for a chat with friends and whānau over a nice cuppa tea including Prime Minister Jacinda Ardern who did so with a group of Māori Wardens at Waitangi.
