Te Puni Kokiri

Te reo ka pīrangitia: Māori English

Te reo ka pīrangitia: Māori English

Ko te anga rōpū whakahaere o Te Puni Kōkiri ko te Tari o te Tumuaki me ētahi puni.

Te Tari o te Tumuaki

Ka tautoko te tari o te Tumuaki i te Tumuaki me te Tira Ārahi, ā, kei reira te kawenga mō te āheinga ahurea me te oranga o te kaupapa. He iti te hunga mahi kei te tari matua ki Te Whanganui-a-Tara, me tētahi kupenga tangata o ngā Pouwhakahaere puta noa i te motu.

Ko Michelle Hippolite te Tumuaki o Te Puni Kōkiri

Te Puni Hononga Kaupapa Here

Ko tā  Te Puni Mahinga Rautaki Whakahaere te mahi tahi me ngā pokapū Kāwanatanga me te hunga whai pānga hoki, ki te hoahoa, ki te whakarato hoki i ngā kaupapa here ka kaha pā atu ki te Māori.

I roto i ā mātou mahi ka whai wāhi ko te ārahi kaupapa here mō ngā momo kaupapa Māori huhua; ka whakaawe hoki i te tohutohu kaupapa here ka whakaratohia whānuitia ki te rāngai kāwanatanga kia hua ai ka whakaaro, ka whakatinana hoki ērā atu pokapū, mō te whakapai ake i te kounga o ngā putanga mō te whānau, te hapū, te iwi, mō te Māori.

Ko Lil Anderson te Manahautū Tuarua Te Puni Hononga Kaupapa Here

Te Puni Hononga ā Rohe

Ka whakahaere Te Puni Hononga ā Rohe i te mahi whakahoahoa me te whakangao ā-rohe, ā-motu hoki o Te Puni Kōkiri ki ngā iwi, ngā hapū, me ngā whānau Māori, me te aroturuki i te aronga o Whānau Ora.

Tekau mā whitu ngā tari o te kupenga o Te Puni Kōkiri puta noa i ngā rohe e ono. Ka whakarato ēnei tari i te hononga tōtika ki ngā iwi, ngā hapū, ngā whānau me ngā hapori Māori; ka āhei hoki ngā hapori Māori ki te tuku urupare hei whakakaha i te māramatanga o te kāwanatanga ki ngā whakaaro, ngā wawata me ngā wheako o te Māori.

Ka whakarato ō mātou kaimahi ā-rohe i ngā ratonga tūāpātanga, takawaenga hoki ki ngā hapori me ngā pokapū kāwanatanga, pokapū tūmatanui hoki; ka whakawhanake, ka whakatinana hoki i ngā kaupapa ā-rohe hei āwhina i te whakakaha i te āheinga o ngā rōpū whakahaere o te Māori.

Ko Di Grennell te Tumuaki Tuarua – Whakahoatanga ā-Rohe.

Te Puni Tautoko

Ka tautoko Te Puni Tautoko i Te Puni Kōkiri mā te whakarato tukanga, pūnaha, tohutohu hoki kia āhei ai te rōpū whakahaere kia whai hua āna mahi, tae atu ki:

  • Ngā ratonga pārongo
  • Te taha tahua
  • Ngā ratonga ture
  • Ngā whakawhitiwhiti kōrero
  • Tautoko Minita, Tautoko Pakihi
  • Ngā Pūmanawa Tangata

Ko Fiona McBeath te Tumuaki Tuarua – Tautoko Rōpū Whakahaere

 Te Puni Mahinga Rautaki Whakahaere

Ko Te Puni Mahinga Rautaki Whakahaere te kaitiaki o te rautaki o Te Puni Kōkiri, ā, ko ōna kawenga mō te:

  • Rautaki me te hoahoa;
  • Rangahau me te aromātai hei tautoko i te whakatakoto kaupapa here, whakatau hoki;
  • Whakahaere ārai tūpono; me te;
  • Tuku pūrongo, aroturuki hoki hei whakahaere putanga Rōpū Whakahaere.

Ko Guy Beatson te Manahautū Tuarua a Te Puni Mahinga Rautaki Whakahaere.

 

 

 

 

 

Back to top