Te Poraka Whenua Whakakapi o Hāwea-Wānaka

Published on Rāpare, 11 Huitanguru, 2016

Nō Ngāi Tahu koe?  Tērā pea he kaipupuri whenua whai pānga koe o te poraka whenua o Hāwea-Wānaka.

Ngā Kaipupuri Whenua Whai Pānga o Hāwea-Wānaka

Tirohia te rārangi o ngā kaipupuri whenua whai pānga.

He Whakamārama

Kua whakaritea e Te Kōti Whenua Māori tētahi rārangi hunga whai pānga 1071 tāngata te nui ka riro ai i a rātou ngā hea o te poraka o te Whenua Whakakapi o Hāwea-Wanaka. E rapu ana a TePuni Kōkiri i ngā tāngata whai pānga katoa me ā rātou uri, ā, ka tonoa koe ki te tirotiro ki te rārangi o ngā kaipupuri whenua whai pānga.

Ka whakahokia tēnei whenua ki ngā uri o Ngāi Tahu mā te tuaritanga hea. Ka whakahaua ngā tāngata whai hea kia tae ā-tinana atu ki tētahi hui o te hunga whai pānga.

Ka ahatia hei muri ake?

Ā te wā iti nei, ka whakatūturuhia ētahi hui hunga whai pānga hei whakatau i te ahu whakamua haere ake o te poraka whenua o Hāwea-Wānaka. Kei te pīrangitia rawatia e mātou ō kōrero whakapānga hou kia taea ai te whakamōhio atu ki a koe ko hea, āhea hoki e tū ai aua hui.

Tirohia, whakahoungia rānei ō kōrero taipitopito

Tirohia te rārangi o ngā kaipupuri whenua whai pānga

Īmēra mai ō kōrero taipitopito ki hawea-wanaka@tpk.govt.nz kia whiwhi ai koe ki ngā pānui mō ngā wāhi me ngā wā o ngā hui o ngā kaipupuri whenua whai pānga mō te poraka whenua whakakapi o Hāwea-Wānaka..

Kia mōhio mai, kua mate ētahi o ngā tāngata whai pānga, ka noho rānei ki Ahitereiria, tē taea rānei te whakapā atu ki a rātou, nō reira ka whakamiha i tō āwhina mai i tēnei kaupapa. Waihoki, kia mōhio mai, mehemea he uri koe nā tētahi tangata whai pānga kua mate, ā, ka hiahia koe ki te tono tauatanga, me whakapā atu ki Te Kōti Whenua Māori mō tēnei kaupapa.

Rapua he kōrero anō

Kua whakaritea tētahi tirohanga whānui o ngā tukanga e āhei ai ngā kaipupuri whenua whai pānga o te poraka whenua whakakapi o Hāwea-Wānaka te whakatau i te ahunga whakamua mō tēnei poraka whenua.

Pānuihia te whārangi pārongo.

I te 2011, e toru ngā hui i tū ai mō te poraka whenua whakakapi o Hāwea-Wānaka i Ōpawa, i Ōtautahi, i Waihōpai hoki.

Pānuihia tētahi whakarāpopototanga mō ngā hui.

He pātai anō

Tēnā whakapā atu ki hawea-wanaka@tpk.govt.nz

Attached Files

Back to top