Te Puni Kokiri

Te reo ka pīrangitia: Māori English

Te reo ka pīrangitia: Māori English

Te Hātepe Whiriwhiri Kaimahi

Kei a Te Puni Kōkiri he hātepe whiriwhiri, waitohu kaimahi hoki hei whakapūmau kia tika te tiaki i ngā kaitono katoa, ā, kia whiriwhiri hoki i te tangata tika mō te tūranga. Ka whiriwhiria i runga anō i ngā āheinga o ia kaitono me ngā kawenga o te tūranga (kua whakamāramahia i roto i te kaupapa-ā-mahi).

Kei roto i te hātepe whiriwhiri, waitohu hoki ngā āhuatanga e whai ake nei:

1. Ngā tuhinga

Mō ia tūranga wātea he pānui mahi, he kaupapa-ā-mahi me he puka tono.

2. Te Tono

Me tāpae koe i tōu puka tono, he whakapapa whiwhimahi hou me ētahi kapi (kua whakamanahia) o ngā tohu kua whiwhi koe. (Mō ētahi atu pārongo, pāwhirihia te pātene whakaotihia te puka tono). Mō te roanga o te kōrero hei whakaoti puka tono mahi, pēhia te pātene i kōnei. Tēnā koa tukuna ēnei tuhinga ki te whakapānga kua tuhia i roto i te panui mahi i mua i te wā kati. Mehemea kei te tuku pārongo koe mā te imera me whakahua koe i te nama o te tūranga wātea (tuhia i roto i te raina kaupapa – hei tauira: “Vacancy 06/06”).

3. Te Whiriwhiri Rārangi Poto

I runga anō i ngā tuhinga kua tukuna, ka tuhi mātou he rārangi poto mō ngā kaitono mō te turanga wātea. Ka whakamōhiotia atu ki a koe mehemea kua whiriwhiria koe mō te rārangi poto.

4. Te Hātepe Whiriwhiri Whakamutunga

Mehemea ka whiriwhiria koe mō te rārangi poto ka whakamōhiotia ki a koe he aha atu anō ngā aromatawainga hei whakaoti. Tēnā pea ko ētahi o ēnei e whai ake:

  • He uiui ā-āheinga nei
  • Whakamātautau māiatanga
  • Rārangi Pātai Tuakiri
  • He whakamātautau tuhi
  • He mahi whakaaturanga

5. Tautoko Whanau

Mehemea kei te haere mai koe ki tētahi uiui, pai tonu kia heria tōu whānau, ētahi tāngata tautoko rānei. Nei e mea ana koe kia pēnei, whakamōhio mai koa ki te tangata ka whakapā mai ki a koe e pā ana ki te uiui.

6. Te Huanga

Ka whakapā mai tētahi ki a koe mō te huanga o te hātepe whiriwhiri. Mehemea ko koe te kopounga ka tukuna he tono whiwhimahi ki a koe.

7. Te Tohatoha Kōrero

Kei ngā kaimahi o Te Puni Kokiri te tika kia whai atu he hātepe arotake waitohu mutu ana te panui i te waitohutanga. Mehemea kāore he tangata whakahē i tōu waitohutanga ka whakaūngia te whaitohutanga hei muri atu i te 10 rangi mahi.

Ka whakamihi atu, he mahi nui te tuku tono. Mehemea he pātai āu e pā ana ki te tūranga, te hātepe whiriwhiri, waitohu, Te Puni Kōkiri rānei, tēnā koa whakapā mai ki a mātou.

Back to top