Te Oranga o te Reo Māori ki Waiariki 2006

Te Whakamahi i te Reo

E ai ki ngā rangahau o te ao whānui e pā ana ki te whakaoratanga o te reo, e ora tonu ai ngā reo itinga pērā i te reo Māori, me tuku iho taua reo mai i tētahi whakatipuranga ki tētahi anō.

Kei te noho toipoto ngā kaikōrero Māori, ā, kāore i te taurite te tohatoha puta noa i te taupori Māori. Whā tekau mā whā ōrau o ngā kāinga Māori ki Te Waiariki, kotahi te kaikōrero, neke atu rānei. Kei roto i te āhua haurua o ēnei kāinga, kotahi anake te kaikorero, nā reira he whāiti noa ngā mea angitū kia kōrerohia te reo Māori ki ēnei kāinga.

Toru tekau mā whitu ōrau o ngā tamariki e noho ana ki ngā kāinga kei roto nei he kaikōrero pakeke kotahi, neke atu rānei. Nā reira ka taea te tuku iho te reo Māori mai i tētahi whakatipuranga ki tētahi atu.

Mō ngā tāngata whai pūkenga reo Māori, kua piki te whakamahinga o te reo ki te kāinga mai te tau 2001, tae ake anō ki ngā whitinga kōrero i waenga i ngā pakeke Māori me a rātou tamariki, mātua hoki.

Hei tauira: Ko ngā whitinga kōrero i waenga i ngā pakeke me a rātou kōhungahunga kua piki mai i 62% i te tau 2001 ki 90% i te tau 2006; Ko ngā whitinga kōrero i waenga i ngā pakeke me a rātou tamariki kura tuarua kua piki mai i 36% i te tau 2001 ki 56% i te tau 2006; Kua piki hoki ngā whitinga kōrero i waenga i ngā pakeke me o rātou mātua mai i 40% i te tau 2001 ki 55% i te tau 2006.4 He tohu pai tēnei mō te takanga i te tuku iho o te reo mai i tētahi whakatipuranga ki tētahi atu. Engari kāore anō ngā tauira whitinga kōrero i te kāinga kia eke ki te taumata e taea ai te kï ko te reo Māori te reo whitinga kōrero tuatahi.

Mō te taha o te reo ki roto i te hapori, ka kaha rangona ki roto i ngā “rohe” tikanga ā-iwi Māori, pērā i ngā hui, kei runga marae rānei. Ko te reo Māori ehara i te reo whitinga kōrero tuatahi o ia rangi i ērā atu o ngā rohe hapori.

Māori Language Competencies by Age

Māori Language Competencies by Age
Age grouping No. of people with Māori
language competencies
Total
population size
Māori
language rate
Proportion of all Māori
with Māori language
competencies
0-14 6588 26961 24% 29%
15-34 6525 22485 29% 29%
35-54 5631 18282 31% 25%
55+ 4116 8304 50% 18%

Source: Census 2006.

 

4 Ko ēnei ōrau ka whakakotahi i te ōrau o ngā pakeke Māori i whakamahi i te reo Māori hei reo whitinga kōrero me te ōrau o ngā pakeke Māori i whakamahi i te reo Māori i roto i ngā whitinga kōrero i ētahi wā.

Māori Language Use by Māori Adults in the Home

Line graph of usage of te reo in the home by Parents, Spouse, Preschool children, Primary school children, Secondary school children, Other adults

Source: HML 2001 Survey, HML 2006 Survey.

Back to top