Te Oranga o te Reo Māori ki Waiariki 2006

Te Mōhio me te Matatau ki te Reo Māori

<p>Kei roto i tēnei whārangi he rāpopotonga o ngā kitenga matua o te pūrongo “Te Oranga o te Reo Māori ki Te Waiariki 2006” (te Patapātai).<sup>1</sup></p> <p>Ka whakamahi tēnei pūrongo i ētahi momo rangahau whānui hei tuku whakaahua hiato o te reo Māori kei tēnei rohe. Ko ētahi o aua rangahau ko ngā raraunga tataunga taupori; raraunga mai i te Patapātai; tataunga mātauranga, kitenga mai i ngā rangahau ā-motu, me ētahi pārongo mai i ngā kaiwhakatakoto kaupapa reo me ētahi māngai hapori e mahi nei ki Te Waiariki. Mō te roanga atu o te pūrongo me toro atu ki www.tpk.govt.nz.</p>

E ai ki te Tataunga Taupori 2006, he 33% o ngā pakeke Māori 49,100 ki Te Waiariki e mōhio ana ki te reo Māori.

Ko Te Waiariki te rohe tuatahi, i roto i ngā rohe e waru o te Patapātai, mō te rahi o te ōrau o ngā tāngata e mōhio ana ki te reo. E whakaatu ana te Patapātai he maha ake ngā tāngata e marama ana ki te reo (49%) tērā i ngā tāngata e kōrero ana i te reo (35%).2

He kaha nui ngā rerekētanga i roto i te ōwehenga o ngā kaikōrero i te reo Māori mehemea ka tirohia te pakeke o te tangata. Mō te hunga kei raro iho i te 55 tau te pakeke, ko te ōrau “kōrero” he 28%. Engari mō te hunga 55 tau te pakeke, neke atu rānei, he 51% kē te ōrau. Heoi, ko te tokomaha o ngā kaikōrero neke atu i te 55 tau, he paku mehemea ka whakatauritehia ki te tokomaha o rātou kei raro iho i te 55 tau. Ka mutu, he matatau ake te reo o te hunga 55 neke atu, tērā i te hunga taipakeke.

Mai i te tau 2001 kua kitea ētahi nekehanga paku noa o te matatau o ngā kaikōrero ki roto i te taupori Māori ki roto i ēnei rohe. Hei tauira: kua piki haere te matatau kōrero mai i 23% i te tau 2001 ki 35% i te tau 2006. Ko te matatau whakarongo kua piki mai i 39% i te tau 2001 ki 49% i te tau 2006.3

Rima tekau mā iwa ōrau o ngā pakeke Māori kei te wenewene mō tō rātou taumata matatau ki te reo Māori, ā, kei te pirangi tonu kia whakapiki i o rātou taumata pūkenga reo.

 

1 Mō tēnei pūrongo kei roto i Te Waiariki ko Tauranga, Opotiki, Kawerau, Rotorua, Taupo me ngā rohe o Whakatāne.
2 Mō te roanga atu o ngā raraunga me titiro ki te pūrongo matua.
3 Kei waenga i ngā pakeke Māori he āhua pai te reo, he pai te reo, he tino pai rānei te reo.

Back to top