Te Oranga o te Reo Māori ki Te Tairāwhiti / Takitimu 2006

Te Mōhio me te Matatau ki te Reo Māori

<p>Te Oranga o te Reo Māori ki Te Tairāwhiti / Tākitimu 2006 </p> <p>Kei roto i tēnei whārangi he rāpopotonga o ngā kitenga matua o te pūrongo “Te Oranga o te Reo Māori ki Te Tairāwhiti / Tākitimu 2006”(te Patapātai).<sup>1</sup> <p>Ka whakamahi tēnei pūrongo i ētahi momo rangahau whānui hei tuku whakaahua hiato o te reo Māori kei tēnei rohe. Ko ētahi o aua rangahau ko ngā raraunga tataunga taupori; raraunga mai i te Patapātai; tataunga mātauranga, kitenga mai i ngā rangahau ā-motu, me ētahi pārongo mai i ngā kaiwhakatakoto kaupapa reo me ētahi māngai hapori e mahi nei ki Te Tairāwhiti / Tākitimu. Mō te roanga atu o te pūrongo me toro atu ki www.tpk.govt.nz.</p>

E ai ki te Tataunga Taupori 2006, he 30% o ngā pakeke Māori 40,000 ki Te Tairāwhiti / Tākitimu e mōhio ana ki te reo Māori.

Ko Te Tairāwhiti/Tākitimu te rohe tuatoru, i roto i ngā rohe e waru o te Patapātai, mō te rahi o te ōrau o ngā tāngata e mōhio ana ki te reo. E whakaatu ana te Patapātai he maha ake ngā tāngata e marama ana ki te reo (47%) tērā i ngā tāngata e kōrero ana i te reo (29%).2

He kaha nui ngā rerekētanga i roto i te ōwehenga o ngā kaikōrero i te reo Māori mehemea ka tirohia te pakeke o te tangata. Mō te hunga kei raro iho i te 55 tau te pakeke, ko te ōrau “kōrero” he 24%. Engari mō te hunga 55 tau te pakeke, neke atu rānei, he 43% kē te ōrau. Heoi, ko te tokomaha o ngā kaikōrero neke atu i te 55 tau, he paku mehemea ka whakatauritehia ki te tokomaha o rātou kei raro iho i te 55 tau. Ka mutu, he matatau ake te reo o te hunga 55 neke atu, tērā i te hunga taipakeke.

Mai i te tau 2001 kua kitea i paku neke te matatau o ngā kaikōrero ki roto i te taupori Māori ki roto i ēnei rohe. Hei tauira: kua paku heke haere te matatau kōrero mai i 30% i te tau 2001 ki 29% i te tau 2006. Ko te matatau whakarongo kua piki mai i 44% i te tau 2001 ki 47% i te tau 2006.3

Ono tekau mā waru ōrau o ngā pakeke Māori kei te wenewene mō tō rātou taumata matatau ki te reo Māori, ā, kei te pirangi tonu kia whakapiki i o rātou pūkenga reo.

 

1 Mō tēnei pūrongo kei roto i te rohe o Te Tairāwhiti ko te Kaunihera ā-Rohe o Turanganui a Kiwa. Kei roto hoki i a Tākitimu ko te Kaunihera ā-Rohe o Te Whangao Ruawharo me te Wairarapa.
2 Mō te roanga atu o ngā raraunga me titiro ki te pūrongo matua.
3 Kei waenga i ngā pakeke Māori he āhua pai te reo, he pai te reo, he tino pai rānei te reo.

Table of contents

The Health of the Māori Language in Te Tairāwhiti / Takitimu 2006

  1. Te Mōhio me te Matatau ki te Reo Māori
  2. Te Whakamahi i te Reo
  3. Te Tuku Rātonga Reo Māori
  4. Whakatau Mutunga

Back to top