Te Oranga o te Reo Māori ki Tamaki Makau Rau 2006

Te Mōhio me te Matatau ki te Reo Māori

<p>Kei roto i tēnei whārangi he rāpopotonga o ngā kitenga matua o te pūrongo “Te Oranga o te Reo Māori ki Tāmaki-Makau-Rau 2006” (te Patapātai).<sup>1</sup></p> <p>Ka whakamahi tēnei pūrongo i ētahi momo rangahau whānui hei tuku whakaahua hiato o te reo Māori kei tēnei rohe. Ko ētahi o aua rangahau ko ngā raraunga tataunga iwi; raraunga mai i te Patapātai; tataunga mātauranga, kitenga mai i ngā rangahau ā-motu, me ētahi pārongo mai i ngā kaiwhakatakoto kaupapa reo me ētahi māngai hapori e mahi nei ki Tāmaki-Makau-Rau. Mō te roanga atu o te pūrongo me toro atu ki www.tpk.govt.nz.</p>

E ai ki te Tataunga Taupori 2006, he 23% o ngā pakeke Māori 90,600 ki Tāmaki-Makau-Rau e mōhio ana ki te reo Māori.

Ko Tāmaki-Makau-Rau te rohe tuaono, i roto i ngā rohe e waru o te Patapātai, mō te rahi o te ōrau o ngā tāngata e mōhio ana ki te reo. E whakaatu ana te Patapātai he maha ake ngā tāngata e marama ana ki te reo (36%) tērā i ngā tāngata e kōrero ana i te reo (21%).2

He kaha nui ngā rerekētanga i roto i te ōwehenga o ngā kaikōrero i te reo Māori mehemea ka tirohia te pakeke o te tangata. Mō te hunga kei raro iho i te 55 tau te pakeke, ko te ōrau “kōrero” he 18%. Engari mō te hunga 55 tau te pakeke, neke atu rānei, he 39% kē te ōrau.

Heoi, ko te tokomaha o ngā kaikōrero neke atu i te 55 tau, he paku mehemea ka whakatauritehia ki te tokomaha o rātou kei raro iho i te 55 tau. Ka mutu, he matatau ake te reo o te hunga 55 neke atu, tērā i te hunga taipakeke.

Mai i te tau 2001 kua kitea kei te piki haere te matatau o ngā kaikōrero ki roto i te taupori Māori ki roto i ēnei rohe. Hei tauira: kua piki haere te matatau kōrero mai i 15% i te tau 2001 ki 21% i te tau 2006. Ko te matatau whakarongo kua piki mai i 27% i te tau 2001 ki 36% i te tau 2006.3

Ono tekau mā whā ōrau o ngā pakeke Māori kei te wenewene mō tō rātou taumata matatau ki te reo Māori, ā, kei te pirangi tonu kia whakapiki i o rātou taumata pūkenga reo.

 

1 Mō tēnei pūrongo ko Tāmaki-Makau-Rau te rohe whānui o Ākarana.
2 Mō te roanga atu o ngā raraunga me titiro ki te pūrongo matua.
3 Kei waenga i ngā pakeke Māori he āhua pai te reo, he pai te reo, he tino pai rānei te reo.

Table of contents

The Health of the Māori Language in Tamaki Makau Rau 2006

  1. Te Mōhio me te Matatau ki te Reo Māori
  2. Te Whakamahi i te Reo
  3. Te Tuku Rātonga Reo Māori
  4. Whakatau Mutunga

Back to top