Te Puni Kokiri

Te reo ka pīrangitia: Māori English

Te reo ka pīrangitia: Māori English

Whāia te huarahi i takahia ai e tēnei ture i te Whare o ngā Māngai mai i tōna tīmatanga i te 3 o Hōngongoi, i te tau 2014.

Te Ture mō te reo Māori – te ture hou mō te reo Māori

14 Paenga-whāwhā 2016

Kua whakaaetia Te Pire mō te Reo Māori e te Pāremata. Mā tēnei ture e tū ai Te Mātāwai, māna hei ārahi te whakarauoratanga o te reo Māori mā ngā iwi me ngāi Māori.

Kei te reo Māori me te reo Ingarihi tēnei ture, otirā, ko te tuhinga reo Māori te kape matua. He tuatahitanga tēnei i raro i te ture o Aotearoa.

Whāia te huarahi i takahia ai e tēnei ture i te Whare o ngā Māngai mai i tōna tīmatanga i te 3 o Hōngongoi, i te tau 2014.

Te Mātāwai

Ko Te Mātāwai tētahi whakahaere hou i whakatūria ai i raro i Te Ture mō te Reo Māori 2016 hei ārahi i te whakarauoratanga o te reo Māori mā ngā iwi me ngāi Māori. I tū te hui tuatahi a Te Mātāwai i te 4-6 o Whiringa-ā-nuku.

13 ngā mema o Te Mātāwai

  • Tokowhitu i kopoutia rā e ngā iwi
  • Tokowhā i kopoutia rā e ngā whakahaere o Te Reo Tukutuku (he kaiwhaipānga ki te reo Māori)
  • Tokorua i kopoutia rā e te Minita Whanaketanga Māori.

He kōrero mō ngā mema o Te Mātāwai.

Te Maihi Karauna – te rautaki reo Māori

Ko te Maihi Karauna te rautaki a te Karauna mō te reo Māori hei tautoko i te Maihi Māori, i te rautaki e whakaritea nei e Te Mātāwai.

Kei te kōkiri tahi a Te Puni Kōkiri me Te Taura Whiri i te Reo Māori i te whakatūnga o te Maihi Karauna, ā, kei te mahi tahi hoki me ētahi atu pokapū o te Karauna.

I tōna tikanga, ka tukuna kia puta i mua i te paunga o te tau 2017.

Te Maihi Karauna me te Maihi Māori

E takoto ana i Te Ture mō Te Reo Māori ngā rautaki e rua hei ārahi i te oranga o te reo Māori hei ngā rā e tū mai nei.

  • Ka whakaputaina e te Minita Whanaketanga Māori te Maihi Karauna e arotahi nei ki ngā take ā-motu. Ko ngā mahi a ngā tari me ngā pokapū o te Kāwanatanga ki te whakarauoratanga o te reo Māori ka hono ki tēnei rautaki.
  • Ka whakatūria te Maihi Māori e Te Mātāwai mā ngā iwi me ngāi Māori, ā, ka arotahi ki ngā take e hāngai ana ki ngā iwi, ki ngā hapū, ki ngā whānau, ki a ngāi Māori, ki te hapori anō hoki.

E mahi tahi ana te Karauna me Te Mātāwai kia tautoko tētahi o ngā rautaki i tētahi atu. Otirā, mā te Maihi Karauna e taea ai e ngā whakahaere puta noa i te kāwanatanga te tautoko ngā tūmanako o te Maihi Māori.

Te Rautaki Reo Māori o te tau 2014

Kia whakaaetia rā anōtia te Maihi Karauna, ko te Rautaki Reo Māori a te Kāwanatanga, i whakaritea ai i te tau 2014, ka mana tonu.

Kei Te Rautaki Reo Māori 2014 e hora ana ngā mahi a te Karauna ki te tautoko i te whakaoranga o te reo Māori. Ko ngā wāhanga o te Rautaki, koia ēnei; ko ngā whāinga hou; ko ngā tohu eke taumata; ko ngā mātāpono hoki hei tautoko i te reo. Ka whakapūmautia hoki ngā mahi mā te Kāwanatanga, ā, ka whakatakotoria he whakaturetanga ki te whakatairanga i te reo Māori, ki te whakahou tikanga hoki mō ngā hinonga reo Māori.

Te Tohu Reorua i te Reo Māori me te Reo Pākehā

He mea whakaputa te rauemi o Te Tohu Reorua i te Reo Māori me te Reo Pākehā: He kupu ārahi e kairangi ai ngā tikanga nā Te Puni Kōkiri me Te Taura Whiri i te Reo Māori hei whakamaha ake, hei whakapai ake hoki i te tohu reorua puta noa i Aotearoa.

Kī ana te pukapuka whai kupu ārahi i te tohutohu pai hei āwhina i tā ngā whakahaere pāhekoheko atu ki ngā hapori Māori me tā rātou tautoko kia nui ake te kitea o te reo Māori mā te tohu.

E whai pārongo atu anō ai, e kapohia ai hoki tētahi tānga hiko o te pukapuka whai kupu ārahi, haere ki tā tātou wāhanga o te Whakamahia.

Back to top