PEKE ATU KI TE RĀRANGI TAKE MATUA / TIROHANGA MĀORI NOA
Ngā Rātonga me te Pūtea

Ngā Rātonga me te Pūtea

Ko tā Te Puni Kōkiri anga kaupapa here Māori, ko te Ara Pūmanawa Māori, ā, he kaupapa tēnei hei whakatinana i ngā Pūmanawa a Ngāi Māori, kia eke rānei a Ngāi Māori hei Māori anō. Koia tēnei te whāinga matua o te Ara Pūmanawa Māori, – kia tū pakari a Ngāi Māori, ā, mā te whakatōpūranga mai o ā rātou rawa, mātauranga, pūkenga, kākano rangatira hoki e whai oranga ai, ā, ka puta tonu rā ki te ao mārama.

Ka tautoko te Pūtea Pūmanawa Māori i te Ara Pūmanawa Māori mā te tuku pūtea mō ngā kaupapa haumi e whai ana kia whakatipu i ngā pūmanawa Māori. Ka taea tēnei āhuatanga te whakatutuki mā ngā mōhiotanga ka riro ki Te Puni Kōkiri mai i āna hononga rautaki ki ngā hapori Māori ki ngā tūmomo whakahaere hoki, ā, neke atu i te $23 miriona te wāriu o tēnei pūtea i te tau.

Kia maumahara, i a ia ka whiriwhiri i ngā tono mai ka ngana tonu Te Puni Kōkiri kia noho tuwhera ōna whakaaro hei whakarite i ngā wawata o tēnā hapori Māori, o tēnā iwi o tēnā hapū hoki. Engari, kāore te pūtea nei e wātea ana ki te tangata takitahi, ki ngā momo kaupapa rānei e whai hua ai te tangata takitahi.

Nō te 1 o Hūrae 2006 tēnei pūtea i whakatūria ai, ā, he mea whakawhāiti mai i ētahi pūtea e whitu ki ngā ara e toru. Kei raro iho nei ngā whakamārama mō aua ara.

Ara Tuatahi: Te Matauranga (Knowledge/Skills)

Ko te whāinga o tēnei ara, he whai kia tipu ake, kia nui ake tā te Māori hopuranga, waihanga, tiakitanga, me te tukunga atu o ngā mātauranga tuku iho me ngā mātauranga hou.

Koia nei ngā whāinga haumi, whāinga mātāmua a Te Puni Kōkiri mō tēnei wā:

Te whakatipu i te reo Māori me ngā tikanga

  • Kia tautoko ake i te kounga o ngā kaupapa whakangungu, whakatipu pūkenga hoki e pā ana ki te reo Māori ki te whānuitanga o ngā taumata o te reo.

Te whanake māramatanga ki te Mātauranga Māori

  • Te whakatōpū, te kawe hoki i ngā mātauranga Māori tuku iho, ō nāianei hoki.
  • Intellectual property
  • Ngā kaupapa whakatewhatewha
  • Te tiaki taonga
  • Te whakapūranga matihiko

Ara Tuarua: Te Whakamana (Leadership)

Ko tā ara o Te Whakamana he whakapakari i te tū rangatira, te mana whakahaere, me te tohu piki tūranga.

Koia nei ngā whāinga haumi, whāinga mātāmua a Te Puni Kōkiri mō tēnei wā:

Te whakatipu tangata Human capital development

  • Te whakangungu ki ngā mahi whakahaere me te mana kaiwhakahaere
  • Te ako i ngā mahi ringarehe
  • Te tautāwhi me te tohutohu tangata
  • Te whakatakoto mahere mō ngā piki tūranga
  • Te kaitātakitanga

Te Whakahaere Marae

  • He aromatawaitanga
  • He whakaahua, he whakarāpopoto i ōna wāhanga
  • He kete āwhina
  • Te whakaako tangata hei kaitiaki mō te marae
  • Ngā hanganga o te marae, (ngā whare, te wai) GIS, paetukutuku

Te hāpai i ngā mahi hei painga mō ngā whānau

  • Ngā rautaki a te iwi hei whakakore i te ririhau
  • Ngā rautaki hanga whare a te iwi
  • Ngā kaitātaki rangatahi
  • He whakapiki ake i te maha o ngā whānau me ngā rōpū Māori kua tūhono atu ki te marae me ngā whanaunga
  • Ngā kaupapa whakawhanaungatanga
  • Ngā kaupapa hākinakina, mahi kapa haka hoki

Te whakapakari i ngā kaitātaki ā-whanau

  • Kua kaha tonu te whai wāhi o ngā whānau ki ngā kaupapa pāpori, ōhanga, tōrangapū hāngarau hoki
  • He whakapiki i te maha o ngā Māori ki ngā tūranga ā-poari kei ngā whakahaere ā-motu, ā-rohe rānei

Developing whānau connections

  • He rautaki matihiko
  • He tautoko i ngā rōpū ā-iwi, rōpū ā-hapū hoki ki te mahi tahi me ngā whānau
  • He tautoko i ngā wānanga me ērā atu kaupapa ka whakahaeretia i runga i te marae.

 

Ara Tuatoru: Ngā Rawa (Resources)

Ko tā te ara o Ngā Rawa he whai kia nui ake te whai wāhi o Ngāi Māori ki ngā tū momo rawa e hua mai ai he painga mō tātou katoa.

Koia nei ngā whāinga mātāmua a Te Puni Kōkiri mō te whakatipu tahua:

Te whakanui ake i ngā hua tōpū a Ngāi Māori

Whenua Māori, te moana, ngā hua ā-taiao (te hau, te wai māori), te whakatipu kaimoana, pūngao puia

  • Te whakahaere ā-poari, ā-tari hoki me te arataki tangata
  • Te whakapūmautanga
  • Te mana rangapū
  • Te tautoko i ngā rōpū e whakahaere nei i hua i puta mai mai i ngā whakataunga o ngā kereme i raro i te Tiriti o Waitangi

E wātea ana tēnei pūtea ki a wai?

E wātea ana te pūtea Ara Pūmanawa Māori ki ngā kaupapa haumi e hāngai ana ki ngā whāinga rautaki a te Kāwanatanga me Te Puni Kōkiri.

Ko ngā rōpū e kimi pūtea ana me mātua whakapā atu ki te tari a Te Pūni Kōkiri kei tō rātou nā rohe Te Puni Kōkiri regional office.

Ko te tikanga kua mōhio kē ngā kaimahi kei ngā Tari ā-rohe ki ngā whāinga matua kua tohua mō tō rātou rohe hei whakapaunga pūtea whakatipu, ā, ka taea hoki e rātou te matapaki me ngā rōpū kei te kimi pūtea, mei kore e hāngai tā rātou kaupapa ki aua whāinga matua.

Ko ngā rōpū kei te kimi pūtea me mātua whakaatu ngā pūkenga tika me tō rātou kaha anō ki te whakahaere kaupapa i raro i tētahi kirimana mē ōna anō āhuatanga katoa pērā i te tuku pūrongo tika, i te wā tika. Nā reira, ka riro mā ngā Tari ā-rohe e aromatawai tō koutou kaha hei whakahaere tika, pono hoki me ngā pūnaha whakahaere.

Last modified: 12/06/2012