Ka whakamāramahia te “whenua Māori” i roto i te Ture Whenua Māori 1993. Ka whakamahia hoki tēnei whakamārama e te Kōti Whenua Māori inā ka karangahia ia kia whakatau i te tūnga o te whenua Māori. Tēnā pea ko tōna tūnga ko tētahi o ēnei e whai ake nei:

Whenua Māori Here Kore

Ko te “Whenua Māori Here Kore” he whenua tērā kāore ngaro atu i te ringaringa o te Māori(hāunga i ētahi tauira ruarua noa iho). Mā te Kōti Whenua Māori e whakatau ae rānei he whenua Māori here kore tētahi poraka whenua.

Whenua Māori Tuku Iho

Ko te “Whenua Māori Tuku Iho” he whenua Māori e puritia ana i runga anō i ngā tikanga Māori. Kāore anō kia whakahitihia ki te taitara Whenua Māori Here Kore e te Kōti Whenua Māori. Kāore anō rānei kia tukuna ki te Karauna. I mua i te tau 1840, ko ngā whenua katoa he whenua Māori tuku iho. I tēnei rangi kāore i te mōhiotia pēhea te rahi o te whenua Māori tuku iho. Heoi anō e whakaponohia ana he paku rawa atu te whenua Māori tuku iho e toe ana.

Whenua Whānui kei te puritia e te Māori Ko te whenua whānui kei te puritia e te Māori he whenua:

• Kei te puritia te rima tāngata, neke atu rānei, me
• Ko te nuinga o ngā kaiwhaipānga he Māori.

Last modified: 6/04/2008