PEKE ATU KI TE RĀRANGI TAKE MATUA / TIROHANGA MĀORI NOA
Ngā Rātonga me te Pūtea

Rātonga Takawaenga Pakihi

Ko tā te Ratonga Takawaenga Pakihi i Te Puni Kōkiri he tuku tohutohu hei āwhina, hei arahi hoki i ngā pakihi Māori hou, me ērā kua tū noa atu.

E wātea ana te Ratonga Takawaenga Pakihi ki te tangata:

  • he Māori ia; ā
  • he kaiwhakahaere kamupene ia, nōna rānei tētahi pakihi; ā
  • kei Aotearoa ia e noho ana, ā, he kamupene tōna kua rēhita kē, e mea ana rānei ki te whakatū kamupene mōna; ā,
  • he pakihi tōna, he whakaaro rānei e whai hua ai i te ao pakihi.

Ehara te Ratonga Takawaenga Pakihi i te ratonga tuku pūtea* engari ka taea e ia ēnei momo ratonga:

  • te whakahaere;
  • te taka i waenga i tētahi kaipakihi me t/ētahi atu pakihi;
  • te tohutohu;
  • te whakaako;
  • te whakaoti rapanga;
  • te kōtuitui; me
  • te whai wāhi atu ki ngā rauemi me ētahi atu ratonga pakihi.

*Mēnā ko tō hiahia he rapu pūtea, tēnā koa, tirohia ngā kōrero mō sourcing capital.

Te tautohu i ōu hiahia

Ki te hiahia koe kia whai wāhi ki ā mātou ratonga, mā mātou tētahi Account Manager e whakarite hei whakamātau i ōu hiahia. Ko tā te Account Manager he:

  • matapaki i te āhua me te kaha tō pakihi, o tō kaupapa rānei;
  • tautohu mēnā ka taea te āwhina i a koe, me pēhea rānei;
  • tautohu i tō kaha hei kaiwhakahaere pakihi;
  • tautohu i ētahi tino take me ngā hiahia ā-pakihi;

Mehemea he pakihi hou tō pakihi, ko te tikanga ia:

  1. kua oti i a koe tētahi business plan; ā
  2. kua tae atu koe ki tētahi Inland Revenue Introduction to Business workshop.

Te Kaitohutohu Pakihi kua Kirimanatia

Kia oti mai te whakamātauranga tuatahi, kātahi pea ka tukua koe ki tētahi Kaitohutohu Pakihi kua Kirimanatia e Te Puni Kōkiri.

Ko ngā Kaitohutohu Pakihi nei he tangata kua kirimanatia mai i te rāngai tūmataiti, ā, he tohunga hoki rātou ki ngā mahi whakatipu pakihi. Me kī he rei puta rātou i te ao pakihi, ā, kua kuhu mai ki tēnei kaupapa ki te āwhina i te hunga pēnā i a koe, kia puta tō ihu i roto i ngā mahi pakihi. Mā te Kaitohutohu Pākihi kua Kirimanatia koe:

  • e āwhina ki te arotake, ki whakapai ake i tō mahere pakihi;
  • e tohutohu mō ngā tūmomo here ka riro mā te kaipakihi e kawe;
  • e tautoko kia tīmata, kia tipu, kia hoki ora mai tō pakihi; ā
  • e tohutohu kia tutuki rā anō ngā tūmomo āwhinatanga i whakaaetia.

Mā te Ratonga Takawaenga Pakihi koe e āwhina kia tipu kaha ai tō pakihi.

Ētahi kōrero whai take

E taea ai mātou te whakautu i āu pātai mō te Ratonga nei i roto i te wā tika, anei ētahi whiringa māu:

  1. Whakaoti mai te Client Enquiry online,
  2. Mēnā kua oti i a koe te Puka nei, me whai rānei i te capability assessment,
  3. Whakapā atu rānei ki tētahi Regional Account Manager, kei tō rohe,
  4. Client Enquiry Form (tāia).

Whakapai mai ki:

Māori Business Facilitation Service
Te Puni Kōkiri
P O Box 3943
Wellington

Tel: 0800 949 997
Fax: 04 819 6295

Last modified: 12/06/2012