Ko te mahi a te Rātonga Takawaenga Pakihi o Te Puni Kōkiri he āwhina i ngā pakihi hou me ngā pakihi kua tū kē mā te tuku tohutohu, kupu ārahi hoki. Kāore he utu mō tēnei ratonga. Kei te wātea ki ngā Māori katoa.

E kore te ratonga e tuku pūtea engari ka taea te āwhina mā te tuku:

• Kaiakopono
• Kaitohutohu
• Whakatika raru
• Hono atu ki ētahi atu rōpū, tāngata rānei
• Kimi pūtea
• Whai wāhi atu ki ngā rauemi me te hono atu ki ētahi atu rātonga pakihi

Kia tohua ōu hiahia

Mehemea kei te whakaaro koe kia kimi āwhina mai i te ratonga, ka tukuna he kaiwhakahaere kaute ki a koe hei aromatawai i ōu hiahia. Mā tōu kaiwhakahaere kaute e:

• Matapaki te āhua me te āhei o tōu pakihi ki te puta, o tōu whakaaro pakihi rānei
• Tohu mehemea, pēhea rānei ka taea te āwhina i a koe
• Tohu atu ki ōu āheinga hei kaimahi pakihi
• Tohu atu ki ētahi atu take matua,hiahia pakihi rānei

Te Kaiakopono Pakihi Tohutukua

Mutu ana te aromatawaitanga tuatahi tēnā pea ka tukuna koe ki tētahi Kaiakopono Pakihi kua Tohutukua a Te Puni Kōkiri.

Kua kirimanahia ngā Kaiakopono Pakihi mai i te rāngai tūmataiti. He tohunga rātou ki te whanake pakihi. Kua whiwhi wheako rātou i roto i te ao pakihi. Kua kuhu rātou ki roto i tēnei kaupapa kaiakopono hei āwhina i ngā tāngata kia tutuki pai ki roto i te ao pakihi. Ka taea e rātou te āwhina i a koe ki te:

• Whanake mahere pakihi
• Tuku tohutohu e pā ana ki ngā nohonga here mōu hei kaipupuri pakihi
• Tautoko I te timatanga, te tipuranga me te whakaoratanga o tōu pakihi
• Tū hei kaiakopono mōu mō te kotahi tau i muri i te timatanga i te hokohoko, te mahere tipu, whakaora rānei.

Ka mahi tahi ngā Kaiakopono Pakihi Tohutukua me tōu kaiwhakahaere kaute hei tohu atu ki ētahi atu tohunga tēnā pea ka tāpiri wāriu ki tōu pakihi.

• Client Enquiry Form [PDF 45KB]

Whakapānga mō o mātou kaiwhakahaere kaute ā-rohe Regional Account Managers.

Last modified: 17/04/2008