Ko Tā Mason Durie KNZM FRSNZ FRANZCP (nō Rangitāne, nō Ngāti Kauwhata, nō Ngāti Raukawa) tētahi o ngā tino hinengaro punenga e whakaaro nuitia ana e Aotearoa whānui, ā, he mea tāpae ia ki te karangatanga o te tā i te tau 2010 mō ana mahi mā te hapori tūmatanui me te hauora Māori.
I tēnei pepa e kīia nei ko Pūmau Tonu te Mauri, Living as Māori, now and in the future, ka whakamaumahara mai a Tā Mason i a tātou ki te wero kia whāia, kia tautokona hoki ngā kaupapa here me ngā hōtaka e whakatītina ana i tētahi tuakiri ā-ahurea e pūmau ana kia pai ai te oranga o te Māori hei Māori.
Koinei te tuatahi o tētahi raupapa pepa i whakamanahia rā e Te Puni Kōkiri kia whai wāhi ki te whakaritenga o ā mātou mahi e pā ana ki te Oranga Māoritanga – Cultural Vitality.
He mea tono e Te Puni Kōkiri tētahi tokorima o Aotearoa, e whakaaro nuitia ana i ō rātou nei ao e noho nei rātou hei pūkenga, kia tuhi i ō rātou whakaaro hei wāhanga mō ā mātou mahi o te Oranga Māoritanga – Cultural Vitality.
Ahakoa kāore pea ēnei pepa e whakaata i ngā whakaaro o Te Puni Kōkiri, he kohinga whakaaro ka tāpaehia, i whai māramatanga ai nā te rangahau me te wheako ngaio, hei wāhanga anō mō tā mātou kohinga mātauranga e pā ana ki te wāhi o te ahurea Māori i Aotearoa i te wā nei.
- About: Culture
- Published in 2017