Ina pō i te whare e poha ana ki te 240 tāngata neke atu, tuwheratia ai - Ā Tātou Tama Katoa, arā, ko All Our Sons, he whakaari hou nā Taki Rua Whakaaturanga, i tuhia e Witi Ihimaera.
Published: Rāhina, 09 Whiringa ā-rangi, 2015 | Monday, 9 November 2015
Ka whakaatu te whakaari i ngā wheako o Te Hokowhitu-a-Tū Māori, arā, ko te Māori Pioneer Battalion i te Aro-ā-tauā Whakateuru (arā, ko te Western Front) ki ngā taha moana o Karipori me ngā whakahaere i mahia e rātou i te whawhai mō te ōritetanga me te whai kirirarautanga ki Aotearoa.
I kī te Kahukura o Taki Rua, a Tānemahuta Gray, “E whai hōnore ana mātou ki te whakatinana i te mahi hou a Witi, ki te whakahōnore i ngā matenga o ō tātou hōia Māori i te Pakanga Tuatahi o Te Ao. He mātua, he tamaiti, he hoa tāne, ā, he takerehāia ki tō tātou whenua te ngaronga atu. Ki tā Witi i kī wahapū ai, ko rātou katoa ō tātou tama.”
Ka tū te whakaari ki te Whare Whakaari o Circa tae atu ki te 14 o Whiringa-ā-nuku. Toro atu ki www.circa.co.nz, waea atu rānei ki 04 801 7992 mō ētahi pārongo anō.