Ka whakapaua te pūtea i te ono tau, i whakatūria ai hei taunaki i te whanaketanga ā-ōhanga Māori me te whai wāhitanga ki te reo me te ahurea Māori mā ngā kaupapa reo matihiko.

Hei whakatutuki i tēnei, i whakapaohotia e te Minita Whanaketanga Māori, e Hōnore Te Ururoa Flavell, me te Minita Whakawhitiwhiti kōrero, e Hōnore Amy Adams, ngā tāngata ka kopoua ki te rōpu mātanga, tae atu ki ētahi tāngata māraurau, whai mana hoki nā rātou te tāpaetanga nui, te ngaiotanga hoki i te rāngai ICT.

E āta mōhio ana ngā mema ki ngā matea me ngā hiahia o ngā hapori Māori huri noa i te motu. Kua kopoua ia mema mō te toru tau.

Ko ngā mema kua whai wāhi:

• Ko Antony Royal (Heamana); rātou
• Ko George Reedy;
• Ko Vanessa Clark;
• Ko Ian Taylor;
• Ko Warren Williams.

Ko ngā mema mana kē atu (arā, ex-officio):

• Ko Di Grennell – nā Te Puni Kōkiri; rātou
• Ko Paul Alexander – nā te Minitatanga Hīkina Whakatutuki;
• Ko Georgina Whata – nā Callaghan Innovation.

Ki tā Minita Flavell mā rāua tahi ko Minita Adams te whakataunga whakamutunga ka riro i a wai te pūtea, e ai ki ngā whakataunga o te Rōpū Tohutohu Mātanga.

Mea rawa ake, ko te mahi tuatahi a te Rōpū Tohutohu Mātanga ko te whakahaere i ngā awheawhe e whā ki Te Whanganui-a-Tara, ki Ōtautahi me Tāmaki-makau-rau ki te matapaki i ngā mea tuatahi whai pitomata mō te pūtea.

Ka tū ngā awheawhe i waenga i te 10.00 i te ata – 2.00 i te ahiahi hei te:

• 13 o Whiringa-ā-rangi ki Mind Lab i Tūranga-nui-a-Kiwa;
• 16 o Whiringa-ā-rangi ki te Hōtera o Brentwood ki Te Whanganui-a-Tara;
• 17 o Whiringa-ā-rangi ki te Hōtera o Sudima ki Ōtautahi; me te
• 19 o Whiringa-ā-rangi ki Te Mānukanuka a Hoturoa i Māngere, ki Tāmaki-makau-rau.

Whai muri i ngā awheawhe, ka whakaoti, ā, ka whakaū a Minita Flavell rāua ko Minita Adams i tētahi anga whakahaere mō te Pūtea, i mua i te karanga i ngā tono hei te tīmatatanga te tau e tū mai nei.