Ngā Rohe
Tāmaki Makaurau: Ngā Tohu Toi Tinana
I kitea ngā toi Māori i ngā Tohu Toi Tinana o Aotearoa. Nā Te Puni Kōkiri te wāhanga Ngā Pūrakau Māori i tautoko kia whai wāhi ai ngā pukenga toi Māori ki te whakamahi i ngā tikanga Māori. E whā ngā kaiuru i whakataetae mō te wāhanga Māori nei. Ko te kaupapa o ā rātou mahi, ko ngā pūrakau a Māui me Paikea. I whakawhiwhia te tohu Māori nei ki a Kelly Isherwood nāna te kaka tāniko i peita ki te poho o tana wahine whakaatu toi.
Te Tai Hāuauru: Te Amo Taiao
Ko te whakatairanga i ngā rangatahi ki te tiaki i te whenua me te whakahaere whenua te kaupapa ako a Te Amo Taiao. Ki te marae o Ngāpuwaiwaha i Taumarunui i whakaterea ai tēnei kaupapa e te Uepū Whanake o Hinengākau. Ko te wawata matua kia whai mahi ngā iwi o Whanganui i te whakahaeretanga whenua e pā ana ki te Ngahere ā Motu o Whanganui. Nā te tautoko a Te Puni Kōkiri, Te Papa Atawhai, Te Kaunihera ā Rohe o Horizons me te Te Manatū Whakahiato Ora i whai huruhuru ai tēnei kaupapa.
Te Tai Tokerau: Te Wiki o nga Taiohi
I Te Wiki o Ngā Taiohi 2009 ka mahi tahi te rōpū Rubicon me ngā rangatahi ki te hanga i tētahi whakaaturanga hei whakamōhio, hei whakatūpato atu hoki ki te hunga taiohi o te rohe i ngā tūkinotanga o te tarutaru me te waipiro. I tautoko a Te Puni Kōkiri i a rātou ki te whakatīnana i tēnei whakaaturanga huri noa i te rohe. Rahi ake i te whitu tekau ngā rangatahi i whai wāhi ki te whakaaturanga, ki ngā kura me te reo irirangi hoki o Mai FM. Ko te tūmanako, nā te mahi nei i hihiko ai te wairua auaha o ngā rangatahi kia tū rangatira rātou i roto i ngā rā kei te tū mai.
Te Whanganui ā Tara: Ngā Taipū o Pito-one
Ko te whakatō i te pīngao ki ngā Taipū o Pito-one i Te Whanganui ā Tara te kaupapa whakaora taiao o te rohe. I te marama o Hōngongoi ka whakaritea e te Kaunihera ā Rohe o Te Whanganui ā Tara me Te Ara Tahi (ngā iwi manawhenua o Te Ūpoko o te Ika a Māui) tēnei kaupapa atawhai whenua. I tae ā tinana atu te hapori whānui o Te Awakairangi ki te tautoko i te kaupapa o te rā, ā, i reira hoki ngā kaimahi a Te Puni Kōkiri ki te whakatō pīngao mō te oranga tonutanga o te taiao o te rohe.
Takitimu: Te Marae o Pahiatua
He tekau mā tahi ngā tamatāne nō te kaupapa ako kāmura e kīa nei Ngā Kanohi Marae i te Wairārapa i āwhina ki te whakatūwhera i te marae o Pāhiatua. I te 18 o Hōngongoi i tēnei tau ka tukuna ngā karakia whakatūwhera i tēnei marae. Kua toru tekau tau ngā kaumātua o Rangitāne me Ngāti Kahungunu e moemoeā ana ki te whakatū i tētahi marae mō te hapori whānui o Pāhiatua. Nā te mahi tahi a Te Puni Kōkiri me te komiti o te Marae o Pāhiatua ka pūāwai te wawata ki te whakaruruhau i ngā iwi o te rohe.
Te Waipounamu: Whakahihiko Tangata
Nā Margaret Foster, Rarauwhe Hiriwa o mua tētahi wānanga hākinakina mā ngā kaitākaro Māori ki te Whare Wānaka o Aoraki i Te Waipounamu. E whā rā te roa o te wānanga nei hei whakawhanake i ngā pukenga o ngā rangatahi. He mea tautoko e Te Puni Kōkiri. Hei tā Margaret, ko te whāinga matua, ko te whakatipu i ngā pūmanawa o ngā rangatahi kia eke panuku ai rātou i roto i ā rātou hākinakina. “Mā te noho tahi ki ngā hau tipua e puta ai pea he māramatanga, e whakatata mai ai hoki pea te pae tawhiti,” hei tāna anō.
Te Arawa: Te Ara o Tarawera
Ko te hanga ara hīkoi ki ngā whenua Māori o Tarawera i Rotorua te kaupapa nui. He whakawhanake mahi mā ngā iwi mana whenua me te whakatairanga hoki i ngā mahi tāpoi ki te rohe o Te Arawa. He kaupapa mahi tahi tēnei a ngā iwi mana whenua, Te Papa Atawhai me te hapori whānui.
Te Moana a Toi: Kapa Haka Kura Tuarua
Rahi ake i te waru rau ngā tāngata i tae ake ki te mātakitaki i ngā kura tuarua o te rohe o Te Moana ā Toi e whakataetae kapa haka ana. I eke panuku a Kura ki Uta nō Te Kāreti o Ōpōtiki, i tuarua Te Kura Tuarua o Whakatāne, ka mutu ko te Kura ā Rohe o Te Whānau ā Apanui i tuatoru. Ināianei, ka whakangungu ngā kapa nō Ōpōtiki me Whakatāne mō te whakataetae ā motu. I tū te whakataetae nei ki Whare Taiohi o Kuini Irihāpeti i Tauranga – i whakataetae ngā waka o Mataatua me Tākitimu ki Tauranga Moana. Nā Te Puni Kōkiri tēnei kaupapa i tautoko hei whakatairanga i te reo me ōna tikanga mō te tuakiritanga o ngā taiohi.
Waikato: He Kaupapa Oranga Marae
Kua tīmata he kaupapa whakatairanga i ngā marae o te rohe o Waikato mā te arotake i te whanaketanga o tēnā marae, o tēnā marae. E toru ngā wāhanga o te kaupapa arotake nei ko ngā whare, ngā tikanga, ngā kawa me te whakahaere marae. Ko Vance Winiata (Tainui, Ngāti Raukawa ki te tonga) te kaikōkiri i te kaupapa nei. Ko Te Puni Kōkiri tētahi o ngā kaitautoko. Kua whakamanahia a Vance hei kairēhita wāriutanga, nā reira ko te mahi tuatahi ko te arotake i te wāriu o ngā inihua mō ngā marae. Kua oti kē i a ia he rīpoata e whakarārangi nei i te ora me te wāriu o ngā whare kia tika ai te inihua e utu nei ngā marae.
Te Tairāwhiti: Tā Apirana Ngata
Nō te tau 1983 i whakatūria ai Te Wānanga Whakamaumahara i a Tā Apirana Ngata e Ahorangi Tamati Reedy mō Ngāti Porou me Aotearoa whānui. I tēnei tau ki Te Kāreti o Ngata i Ruatōria ka whakahuihui anō ngā uri a Porourangi ki te wetewete i Te Tiriti o Waitangi, ki te kōrero mō te utu a Ngāti Porou ki Aotearoa me te tiro whakamua ki ngā tau rua tekau mā rima. Nā Te Puni Kōkiri tēnei huihuinga nui a Ngāti Porou i tautoko hei whakanui i te iwi me te whakarite i tētahi mahere rautaki e whai oranga ai a Ngāti Porou.
Main Feature
Hautupua Rongonui
Kua mū te reo rōreka o te kaiwhakangahau rongonui rawa atu o Aotearoa a Tā Howard Morrison.
Haere Rā e Tā
“I hiku kau anō te putanga mai o te tangata ki tēnei ao, ā, ka hoki atu anō ki te taha i hangaia mai ai.”
Te Ao Māori
Te Māori: Whakanuia
E rua tekau mā rima tau kua hipa mai i te wā i whakaaturia mai ai Te Māori ki ngā whare pupuri taonga o Amerika.
He Kahurangi, He Ta
Tokorima ngā Māori i whakaae kia whakahoungia ai ā ratou taitara e te Kawanatanga o Aotearoa. Ki te Whare Karakia tawhito o Hato Paora i Te Whanganui ā Tara ka whakawhiwhia ki a Tā Wira Gardiner, Tā Tumu te Heuheu, Tā Hirini Moko Mead, Tā Edward Taihakurei Durie rātou ko Kahurangi Doris Vercoe ā rātou taitara hou.
In Business
Tiako Niho
Kaua e wareware ki te paraihe i ō niho, koinā te whakatau a te rata niho a Scott Waghorn (Ngāpuhi, Ngāti Hine). Nōna tētahi whare rata niho o Tāmaki Mākaurau ki te uru e kīa nei Dental Care West.
Kai Reka
Mēnā kei Tāmaki Makaurau koe e noho ana, ā kei te kimi haere koe i tētahi kamupene tunu kai reka mō tō hui tēnā whakapā atu ki Bennetts Cuisine Catering.
He Pakihi Toi Māori
Kaore e kore kua kitea e koe i ngā hei tiki a Vicki Morehu (Te Atihaunui a Pāpārangi) e iri nei ki ngā kaki o te tini tāngata.
Whare Hauora
He kaimahi hauora whānui a Loretta Nicoll (Ngāti Raukawa, Ngāti Tūkorehe) kua roa ia e mahi ana i te ao haumanu.
He Pakihi Kaiāwhina
Ko Denise Simons (Ngāti Maniapoto, Ngāiterangi, Ngāti Ranginui) he māmā, he kuia kua tīmata i tana ake pakihi ki te āwhi tāngata. He kaiwhakaako taku turanga ko te hohonutanga o taku mahi he awhi i aku kiritaki ki te kimi huarahi whakamua hei oranga mō rātou me ā rātou whānau. Ko Relate to ingoa o te pakihi āwhina tāngata a Denise ko tōna kaupapa e whakaahua nei ki te whakataukī “He aha te mea nui o te ao he tangata, he tangata, he tangata.”
Te Raukura Rangahau
He rangahau te pakihi a Jodie Robertson (Ngāti Maniapoto, Ngāiterangi, Ngāti Rnaginui) kua roa ia e whakahaere i tana pakihi e kīa nei Te Raukura Rangahau.
Creative New Zealand
Ngā Toanga a te Waka Toi 2009
Ko ngā kaumātua e kaha nei ki te hāpai i ngā toi Māori ngā kaiwhiwhi tohu i Ngā Taonga a Te Waka Toi i tū ki Te Whanganui ā Tara i te marama o Hereturikōkā.
Te Mākete Toi Māori
I whakatū anō te mākete hokohoko toi Māori mō te ao e kīa nei ko Māori Art Market 2009.
Youth
Ngā Manu Kōrero 2009
Ko ngā pukenga whaikōrero a te hunga taiohi ka rangona e te marea ki ngā whakataetae ā-motu mo Ngā Manu Kōrero 2009 i tū ki Rotorua i te marama o Mahuru.
Iwi Profiles
2006 Tātauranga Iwi mo Ngāpuhi
2006 Tātauranga Iwi mo Ngapuhi Ngāpuhi Ōrau Te Taitokerau 24,909 160;20.4 Tāmaki Makaurau 50,043 40.9 Waikato 12,369 10.1 Waiariki 8,151 6.7 Turanganui ā Kiwa 1,356 1.1 Te Matau a Māui 2,601 2.1 Taranaki 1,581 1.3 Manawatu-Whanganui 4,218 3.5 Poneke 7,299 6.0 Te Tauihu ki te Uru 507 0.4 Whakatū 558 0.5 Wairau 504 0.4 Te Tai Poutini 339 0.3 Waitaha 4,929 4.0 Ōtakou 1,599 1.3 Murihiku 1,236 1.0 Kei waho i te rohe 18 0.0 Te Katoa 122,214 100.0
He Kaimahi Nō Te Puni Kōkiri
Ingoa Bert Johnson Mackie
“He Toi Whakairo, He Mana Tangata”
Ko Kawiti Waetford (Ngāpuhi, Ngāti Wai, Ngāti Hine) tētahi rangatahi e kaha ana ki te waiata i te whakaari pūoru.
Kaumātua
He Kotahi Rau Tau Te Pakeke
Ingoa: William Bill Wī Te Koha Williams Rōpū: 28th Māori Battalion - 62705 Wāhanga: A Company, 7th Reinforcement