HE KAITĀTARI MATUA Ā-KAUPAPA HERE (E 5) – He Tūranga Pūmau, He Tūranga Wā Ukiuki

Kei Te Whanganui-a-Tara te wāhi mahi

E kaha ana koe ki te kuhu i a koe anō, e mātau ana koe ki ngā nekenekehanga o te Kāwanatanga, he mōhiotanga ōu ki ngā kaupapa tōrangapū, e mārama ana hoki koe ki ngā āhuatanga o te ahurea?

Kua takoto i a Te Puni Kōkiri ētahi huarahi whakahiamo i te hunga e whai tūranga kaiārahi ana i roto i te wāhanga o Policy Partnership Te Puni Kōkiri e wātea ana ki ērā e pīrangi ana ki te mahi i te ao hou o te kaupapa here ā-tūmatanui, e pīrangi ana hoki ki te whai wāhi atu kia āhei ai tā ngā iwi, tā ngā hapū, tā ngā whānau Māori eke ki te angitū hei Māori.

• Ko te mahi a tō mātou rōpū o Te Rangatiratanga ā-Ahurea he whai kia pakari, kia ngākau titikaha, kia mātanga hoki te Māori i tōna anō reo me tōna ahurea, ā, ka whai wāhi hoki ki te kaupapa here e hāngai ana ki te pāpāho me te whakapānga ā-iarere (kotahi te tūranga e wātea ana);

• Ko te arotahitanga a tō mātou rōpū o Te Oranga ā-Whānau, ko te ngako o te kaupapa here ā-pāpori, tae atu ki te whānau ora, ki te tamariki rītanga kore (e rua ngā tūranga e wātea ana);

• Ko te arotahitanga a tō mātou rōpū o Ngā Hononga ā-Karauna, ā-Iwi, ā-Hapū, ā-Whānau Māori hoki, ko ngā whakataunga kokoraho tiriti, ko ngā mana ā-tiriti me te tari ā-ao whānui - tae atu hoki ki ngā mana ā-iwi taketake (kotahi te tūranga e wātea ana).

• Ko Te Tari o te Tumu Whakarae Tuarua. Ko tā te kaitono ka whakatūria ki te tūranga he whakatutuki i te whānuitanga o ngā mahi ā-kaupapa here me mātua tutuki, nō reira kua hōhonu, kua whānui hoki tana mōhio ki te kaupapa here, ā, ka kaha hoki ia ki te mahi i ngā tini take ki tētahi taumata mātāmua. He tuarā whānui! (kotahi te tūranga e wātea ana).

Ko ērā e mātua whāia ana mō ēnei tūranga ka whakaatu mai i ō rātou tohungatanga i tētahi, i ētahi, i te katoa rānei o ngā wāhanga o runga ake nei, ka mutu, me whakaatu hoki ō rātou pūkenga whānui e kaha ai rātou ki te kawe i ngā haepapa whānui o te kaitātari matua ā-kaupapa here.

Mahi tahi ai ngā kaimahi o Te Puni Kōkiri me ngā hoa mahi i te whānuitanga o ētahi atu hinonga o te Karauna, ā, me whai pūkenga pāhekoheko, me whai pūkenga whakapakari hononga. Waihoki, e tika ana kia whakaaro nui ngā kaitono katoa ki te reo me ngā tikanga Māori. Ko te angitu o te mahi tahi me te Māori, o te mahi rānei mā te Māori te painga atu.

E whai pārongo atu anō ai, e taea ai rānei te tiki atu i te ipurangi tētahi tāruatanga o te whakaahuatanga ā-mahi me te puka tono e pā ana ki ngā tūranga o te Kaitātari Matua ā-Kaupapa Here, tēnā, whakapā atu ki ngā hononga o raro iho.

Ina hiahia tono i te tūranga, īmēratia mai tō tāhuhu tangata, tētahi reta ā-uhi me tētahi puka tono kua whakakīa ki vacancy@tpk.govt.nz.

• Job Description
• Application Form

• Strengthening Policy Decision Document

Ka kati ngā tono ā te 5 karaka i te ahiahi, i te 24 o Kohitātea, ā te tau 2017.