Te Tuku Rātonga Reo Māori

E taea ai e ngā tāngata te whanake o rātou pūkenga reo Māori, me whai mea angitū kia whakapā atu ki te reo. Ko te Patapātai o 2006 mō te Oranga o te Reo Māori i kohi pārongo e pā ana ki ngā whakaaturanga pouaka whakaata, reo irirangi hoki. Ka mutu, ko te kitenga he tino kaha te iwi ki te whakarongo, mātaki hoki. Tata ki te katoa o ngā pakeke Māori ki Te Tairāwhiti / Tākitimu ka āhei ki te whakapā atu ki te reo irirangi Māori, pouaka whakaata Māori hoki.

Tekau mā rima ōrau o ngā pakeke Māori kei te ako i te reo ahakoa pēhea te iti, te rahi rānei o te ako. He nui tēnei ōrau, ka mutu he tohu tērā o te whakaaro tūturu e puritia nei e te Māori mō tōna reo.

He āhua 1,600 ngā tamariki Māori e haere ana ki te rātonga kōhungahunga ā-reo nei ki Te Tairāwhiti / Tākitimu.

Ko ngā kura ki tēnei rohe ka tuku rātonga mō te āhua 4,000 tamariki kia ako i te reo, ahakoa pēhea te iti, te rahi rānei o te ako. He 25% tēnei o te taupori ākonga Māori ki Te Tairāwhiti / Tākitimu.