Te Tuku Rātonga Reo Māori

E taea ai e ngā tāngata te whanake o rātou pūkenga reo Māori, me whai mea angitū kia whakapā atu ki te reo. Ko te Patapātai o 2006 mō te Oranga o te Reo Māori i kohi pārongo e pā ana ki ngā whakaaturanga pouaka whakaata, reo irirangi hoki. Ka mutu, ko te kitenga he tino kaha te iwi ki te whakapā atu, whakarongo, mātaki hoki. Tata ki te katoa o ngā pakeke Māori ki Te Taitokerau ka āhei ki te whakapā atu ki te reo irirangi Māori, pouaka whakaata Māori hoki.

Tekau mā waru ōrau o ngā pakeke Māori kei te ako i te reo ahakoa pēhea te iti, te rahi rānei o te ako. He nui tēnei ōrau, ka mutu he tohu tērā o te whakaaro tūturu e puritia nei e te Māori mō tōna reo.

He āhua 1,300 ngā tamariki Māori e haere ana ki te ratonga kōhungahunga ā-reo nei ki Te Taitokerau.

Ko ngā kura ki tēnei rohe ka tuku rātonga mō te āhua 3,200 tamariki kia ako i te reo, ahakoa pēhea te iti, te rahi rānei o te ako. He 23% tēnei o te taupori ākonga Māori ki Te Taitokerau.