Ko Kōkiri to mātou mōheni o ia rua-mārama e whakanui nei i ngā whakatutukinga Māori, e whakaatu nei i ngā angitu Māori me te whakatinana hoki i ngā pūmanawa moe Māori. Akona ētahi atu kōrero mō Kōkiri »

Kōkiri

Mo Kōkiri

Mō Kōkiri

Ko Kōkiri te whakaputanga matua mō Te Puni Kōkiri. Ko tōna take nui kia tuku pārongo ki ngā kaiwhaipānga o Te Puni Kōkiri e pā ana ki ōna kōrero matua.

Ko ēnei ko te whakanui i ngā whakatutukinga Māori, te whakatinana i te pūmanawa moe Māori, me te Māori kei te whakatutuki moemoeā hei Māori. Ko Kōkiri he waka hoki mō ētahi atu tāri kāwanatnga hei whakamōhio atu ki te Māori e pā ana ki o rātou kōrero matua.

Ko te whāinga kia 35,000 ngā kapi o Kōkiri ka tohatohaina ki te motu, ki rāwāhi hoki. E ono ngā whakaputanga ia tau. Whakaputaina ai ia rua-mārama.

Ko te tino kaipānui kei te whāia ko te Māori, ngā kaiwhaipānga o Te Puni Kōkiri, ngā kaimahi, te Minita mō ngā Take Māori me te tūmatanui hoki.

Whakapapa

Kei a Kōkiri he whakapapa roa, whakahīhī hoki. I timata i mua rānō kātahi ka tini haere i runga anō i ngā whakarerekētanga o te tari i roto i ngā tau. I noho te whakaputanga nei hei whakaata mō ngā piki me ngā heke o te tari i ngā tau kua hipa.

Nā Te Tari mō ngā Take Māori i whakaputa Te Ao Hou mai i te tau 1954 ki 1975, kātahi ko Te Kaeai waenga i te tau 1979 ki 1981. Kātahi ka whakaputaina a Tu Tangata, mai 1981 ki 1987.

Ko te Tari mō ngā Take Māori ka whakawehea kia rua ngā tari - Manatū Māori me Te Tira Ahu Iwi. Nā te Manatū Māori i whakaputa Ngā Kauwae, mai 1990 ki 1991. Nā te Tura Ahu Iwi i whakaputa te Iwi Express i taua wā anō rā.

I te tau 1992 ka whakatūngia Te Puni Kōkiri, ā, ka tāia te Kōkiri Paetae tuatahi i te tau 1996.

I whakahoutia te whakaputanga nei, ā, i tinihia te ingoa i te mutunga o 2006, kātahi ka tāia te whakaputanga hou tuatahi o Kōkiri i te Hui tānguru 2007.

Ko te ingoa “Kōkiri” ka whakaata i te ingoa o Te Puni Kōkiri. Ko tōna whakamārama – kia haere whakmua tahi tātou hei rōpū kotahi.