Tēnā tātou!

He toka tū moana, ka tū, ka tū, ka tū
ahakoa i āwhātia mai i te rangi
I whakapākakatia te whitinga o te rā
He toka tū moana tū tonu, tū tonu.
Tīhei Mauri ora!

He wāhi tino whai take tō ngā Wātene Māori ki tō tātou hapori, ā, mai rā anō, ko rātou he kanohi kitea i ō tātou marae me ērā atu tū momo kaupapa a Ngāi Māori. He whānui tonu ā rātou mahi pērā i te tiaki i ngā whare, te wāhi ki ngā motokā, te whakatau tāngata me te āwhina i ngā tāngata kua whara.

Ko te Kaupapa o Ngā Wātene Māori kōkiri ā-Kāwanatanga. Ko te whāinga ia he whakakaha, he whakapakari hoki i te āhei o ngā Wātene Māori ki te mahi i te taha o te rangatahi me te āwhina i ngā hapori kia noho haumaru ai ngā tāngata o reira. Ka whakahaeretia te kaupapa nei e Te Puni Kōkiri.

Ehara ngā Wātene Māori i te Pirihimana, heoi ko ngā ture hei arataki i ā rātou mahi katoa kei roto i te Māori Community Development Act 1962.

Kua oho ake ngā kaunihera ā-rohe me ērā atu whakahaere ā-rohe ki te ngā painga o ngā Wātene Māori me tā rātou kaha ki te mahi marire i waenganui i te ngā tāngata, me ngā rōpū o te Hapori.

Aroha ki te Tangata, koia tonu te kupu whakatauki a ngā Wātene Māori. Ka mutu, ka arahina, ka kawea hoki ā rātou mahi katoa hei kaitiaki i roto anō i ā rātou na hapori.

Me he pātai āu, waea atu ki 0800 991 882 me toro atu rānei ki te whārangi frequently asked questions.

Last modified: 12/06/2012