Ka whakamātauria, ka arotaketia ngā whakanuitanga i te reo Māori, me ō rātou kaupapa, kia aronui ake ai te kāwanatanga ki ngā wawata me ngā hiahia a ngā iwi Māori.

Kua tohua e te Minita o ngā Take Māori me ētahi atu Minita tētahi Paepae Motuhake hei kawe i te Arotakenga. Ko Te Ahorangi Tāmati Reedy hei tiamana, rātou ko Toni Waho, ko Rāhera Shortland, ko Cathy Dewes, ko Hana O’Regan, ko Pānia Papa, ko Pem Bird.

Ko tā te Arotakenga nei he tautuhi me te taunaki atu i ngā huarahi e nui ai ngā hua ki te reo Māori, e pai ake ai hoki te kōtuitui o tō te Kāwanatanga arotahi kia mauritau mārire ngā ratonga papai, ngā hōtaka papai hoki.

I tīmata te Paepae Motuhake nei i āna mahi i te marama o Hōngongoi 2010, ā, ko tāna mahi tuatahi he kōrerorero tahi me te iwi, me ngā rōpū Māori hoki. Ka noho ko ngā wawata o ngā iwi, hapū, marae, whānau me ngā hapori Māori hei wāhanga nui o te Arotakenga.

Ka āta tirohia hoki e te Arotakenga ngā hōtaka me ngā ratonga o ētahi pokapū e kitea ai ina whai hua ana rānei ā rātou mahi e ea ai ngā wawata o te iwi me te Māori.

Mutu ana i te Minita ngā kitenga me ngā whakataunga a te Paepae Motuhake te arotake ka whakawhitiwhiti kōrero me te Māori kia whakawhanakehia tahitia he tauira Rautaki Reo Māori.

Ka ngaro te reo, ka ngaro tāua, pērā i te ngaro o te moa – If the language be lost, we will be lost, as lost as the Moa.

Last modified: 25/11/2010