Craig Owen, Deputy Secretary
Ka tuku te wahanga Rātonga Tautoko i te tikanga-ā-iwi tautoko mō ngā rōpū katoa kei roto i Te Puni Kōkiri hei whakapūmau kia hiranga ngā traumata ka whakatutukingia, ka puritia hoki puta noa i te tari i runga anō i ngā tohu ārahi o te rāngai tūmatanui. Kei roto i te wahanga Rātonga Tautoko ēnei rōpū e whai ake nei:
Ka tukuna ngā rātonga tautoko ki Te Puni Kōkiri, ā, ka āwhinatia te rātaka mahi o Te Pūni Kōkiri e hāngai ana ki ngā rautaki matua o roto, o waho hoki.
Ka whakapūmautia kia whakakotahi ngā mahi putea a Te Puni Kōkiri. Ko tāna he whakatikatika i ngā nama kia tohutohu ki te Tari, te Minita me te Tari Pūtea e pā ana ki ngā take pūtea. Ka mahi i raro anō i ngā tikanga pūtea, ka whakatika hoki i ngā whakaaetanga pūtea katoa me te whakahaere rawa, whare, whiwhi taonga hoki.
Ka tautokona te āheinga o Te Puni Kōkiri mā te tuku tohutohu, rātonga hoki mō te kimi kaimahi, whanaungatanga kaimahi, whakahaere mahi, whakarite utu kaimahi, whakarite hararei, whanake tari hoki.
Ka tukuna ngā tohutohu ture kounga pai rawa hei āwhina i ngā kaupapa here, ture, kōkiri hoki. Ka whakapūmautia kia tika te mahi i runga anō i te ture me ngā ture kāwanatanga, whakarite tuhinga, kawenata, kirimana ā-ture hoki.
Te whanake me te tiaki i te āheinga whakawhitwhiti kōrero a Te Puni Kōkiri.Ka pēnei mā te whakapai ake i ngā pātengi raraunga, ipurangi ā-roto nei me te rātonga whakahaere pārongo, me te tū hei whakapānga tuatahi mō te tūmatanui, tae noa ki te taupaepae me ngā pae tukutuku.
Ka whakahaerehia ngā whakawhitinga kōrero me te whakawhiti pārongo i waenga i Te Puni Kōkiri me te tari o te Minita. Kei tēnei wahanga te kawenga kia whakapūmautia te tutukihanga o ngā kirimana i ngā aro whānui o te Rāngai Kāwanatanga.
Ko te kawenga o tēnei wahanga he whakahaere i te kaupapa arotake ā-roto, aroturuki me te takawaenga i ngā tari karauna, aromatawai me te whakahaere raru.
Ka tuku rātonga ki te Minita me te Tumuaki, te hanga i a Kōkiri, E-Kōkiri, pānui ā-roto me ētahi atu whakaputanga; whakahaere hui me ngā whakahau hunga pāpāho.
Last modified: 21/05/2008