Ko te arotahi o te wahanga Whanaungatanga me te Pārongo he whanake me te tiaki i ngā whanaungatanga kei te pūtahi tonu o te whanaketanga Māori.

Ko te arotahi he whanake hononga rautaki, whaihua hoki, me te hono atu ki ngā tāngata whaipānga hei whakatutuki i ngā whāingaroa me te huanga rautaki o Te Puni Kōkiri, arā te Māori kei te whakatutuki moemoeā hei Māori.

Ko te wahanga Whanaungatanga me te Pārongo ka tāpiri wāriu ki ngā whanaungatanga tangata whaipānga mā te whakatakoto tikanga neke ki runga i te arotake i ngā urutomo hei hanga maramatanga kaha o ngā huanga. Mā tēnei arotake hoki ka āwhina kia ārahina ngā whakatau haumi pūtea mō ngā rangi kei mua i te aroaro.

Kei a Te Puni Kōkiri he hononga o ngā tari ā-rohe 10 puta noa i Aotearoa –E iwa kei te Ika a Māui, kotahi kei Otautahi.

Mā ngā tari ā-rohe oTe Puni Kōkiri ka tukuna he hononga hāngai atu ki ngā iwi, hapū, whānau me ngā hapori Māori. He hononga taketake tēnei hei āwhina i Te Puni Kōkiri kia mahi tahi me te Māori. Waihoki, mā ēnei hononga ka āhei ngā hapori Māori kia tuku i o rātou whakaaro hei whakakaha i te māramatanga o te kāwanatanga mō ngā tirohanga Māori, o rātou moemoeā, wheako hoki.

Ko ngā kaimahi o ngā tari ā-rohe ka mahi kia hanga whanaungatanga ki ngā hapori Māori; ka tuku rātonga kaitakawaenga,kaiwhakarite hoki ki ngā hapori me ngā tari kāwanatanga, rōpū hoki. Ka whanake me te whakatinana i ngā kaupapa ā-rohe hei āwhina ki te hanga i te āheinga o ngā rōpū Māori.

Last modified: 16/02/2010