Leith Comer, Chief Executive
I timata a Leith Comer hei tumuaki i te Hui Tānguru 2001. I mua i tēnei koia te Hekeretari Tuarua mō te Manatū Ōhanga. Kua raupā ōna ringa hei kaiwhakahaere kamupene tae noa ki te rima tau hei Tiamana o te Rōpū Lakeland Health.
He hoia ia mō te 21 tau i roto i te Rōpū Tumātauenga. I whiwhi ia i te tūranga Rūtene Kōpara. I whakawhiwhia ki te Tohu Kāreti Rōpū Tumātauenga o Amerika. I whiwhi ia i te honore kairangi o Eisenhower mō te taha mātauranga. Ko ia anake te tangata nō Aotearoa kua whiwhi tēnei tohu.
He whānui ōna nei wheako i roto i te ao tohutohu kaupapa here, whakahaere rāngai tūmatanui me te tūranga a te Karauna hei hanga māiatanga i roto i ngā hāpori.
Kei te whai wāhi tino whai tikanga a Te Puni Kōkiri i roto i te mahi whanake Māori ki Aotearoa nei. Ka mutu kei te haere tonu tēnei āhuatanga a ngā tau e haere ake nei.
Ko tētahi wahanga o tēnei ko te tuku tohutohu kaupapa here kounga pai ki te Minita Māori, me te tautoko i te kāwanatanga o te rangi hei whakatinana i tōna nei moemoea mō te Māori.
Engari he nui tonu te mahi a Te Puni Kōkiri kia mahi tahi i te taha o ngā tāngata me ngā rōpū Māori puta noa i Aotearoa hei āwhina i a rātou kia whakatutuki i te pūmanawa moe Māori.
Ka pēnei mā te whakamahi i ngā hononga me ngā whanaungatanga ki a rātou mā i roto i te hapori, ngā tari kāwanatanga, kaunihera ā-rohe nei, me te rāngai tūmataiti. Kua whakakapingia katoatia te motu e tētahi hononga tari ā-rohe. Tekau ngā tari ā-rohe o Aotearoa.
Ko aua hononga ka tuku āwhina hoki ki Te Puni Kōkiri me te Kāwanatanga hei whakanikoniko i ngā whakaritenga kaupapa here me ngā mea whai tikanga.
He whakaaro Māori tēnei kia hanga me te whakahaere i ngā hononga kaha, te tūtakitaki me te kōrero kanohi ki te kanohi, te aro atu ki ngā tirohanga a ētahi atu me te ngana kia tae atu ki tētahi whakaaetanga kotahi.
Ko te whakapākehatanga o Te Puni Kōkiri, he rōpū e kōkiri tahi ana – ka mutu koina hoki tā mātou nei mahi.
Last modified: 16/04/2008