Huanga Rautaki

Ko te Māori kei te whakatutuki moemoeā hei Māori

Kei te whakapau kaha te Te Puni Kōkiri ki tōna huanga rautaki, otirā - ko te Māori kei te whakatutuki moemoeā hei Māori. Ka aro atu tēnei ki te hira o te whakaaro kia eke ki tētahi taumata o te angitu ka taea te ukauka. Ka mutu, he mea nui hoki kia kaua e memeha te tuakiri Māori. Kei roto i te kaupapa "te Māori kei te whakatutuki hei Māori" ēnei mea e whai ake nei:

• Ka whakamahi te Māori i ngā rawa ā-ohu nei hei huringa kētanga ōhanga;
• Ka whakamahi te Māori i ngā pūkenga, te mātauranga me ngā pūmanawa kia maha ake ngā whakahoutanga;
• Kei te pūāwai ake te Māoritanga me te tuakiri Māori;
• He whānau Māori kaha, hauora hoki, ka mutu kua honoa rātou ki a rātou anō;
• He whanaungatanga whai hua i waenga i te Māori me ngā rōpū ā-rohe nei, ā-motu nei, ā-ao nei hoki.

Te Tūranga

Ko Te Puni Kōkiri te kaitohutohu tuatahi mō ngā hononga i waenga i te Karauna me te Māori. Ka pēnei mā te ārahi i ngā kaupapa-here Māori tūmatanui me te whakahaere hononga, pārongo hoki.

He tari kāwanatanga a Te Puni Kōkiri, ā, ka whiwhi pūtea mai i te Karauna. Nā reira he tūranga ahurei tōna kia tū hei kaiārahi, kaitautoko hoki mō ōna tāngata whaipānga. Ka whakatutukihia tēnei mā te ārahi me te tautoko i te kāwanatanga me te tuku i ngāmomo tohutohu kaupapa here kounga pai, aroturuki whaihua me te hanga hononga kaha hoki.

Whāinga poto

Te Whakatutuki i te Pūmanawa Moe Māori

He nui rawa te pūmanawa moe kia whakatipu i te tokomaha o ngā Māori me te kaunui rawa Māori. Ko te whāinga poto a Te Puni Kōkiri he āwhina kia huakina kia whakatutukingiahoki te pūmanawa moe Māori nei kia taea ai te Māori te whakatutuki moemoeā hei Māori.

Kia whakatinanahia tēnei whāinga poto kua whanakehia e Te Puni Kōkiri he Kaupapa Pūmanawa Moe Māori. Koinei tētahi kaupapa here wairua hihiko, tiro whakamua hoki. Ko tōna nei whāinga kia whakanohoia te Māori ki te wāhi tika hei whakamahi i te pūmanawa moe o rātou rawa kei te pupuritia tahitia, ā, kia whakamahia ngā mātauranga me ngā pūkenga, āheinga rangatira hei hiki i te kounga o te oranga.

Kaupapa

Te Puni Kōkiri – E kōkiri tahi ana

Ko te kaupapa o Te Puni Kōkiri, ara ko te kōkiri tahi,kei te aro atu ki te hiahia kia mahi tahi i runga i te whāinga kotahi. He mea nui hoki te noho here me te arotahi hei rōpū ā-roto nei me te mahi tahi ki te taha o ngā tāngata whaipānga o waho atu tae noa ki ngā rōpū o te rāngai tūmatanui, whānau, hapū, iwi, rōpū Māori, hāpori, pakihi ā-rohe nei, ā-ao nei hoki me ētahi atu rōpū.

Last modified: 31/03/2008