Ko te mahi a Te Puni Kōkiri he ārahi i te hanga kaupapa here tūmatanui Māori, he tohutohu hokimō ngā kaupapa here me ngā pānga ki te oranga Māori.

Ko mātou anake te tari kāwanatanga e arotahi ana ki ngā take Māori. Ko mātou hoki te kaitohutohu tuatahi mō ngā whanaungatanga i waenga i te Karauna me te Māori. Aroturuki ai mātou i ngā kaupapa here me ngā ture, ā, ka tuku tohutohu kaupapa here hiranga ki te kāwanatanga.

Tohe ai mātou kia pai ake te oranga tinana o te Māori – ko te Māori kei te whakatutuki moemoeā hei Māori. Kia eke rātou ki tētahi taumata momoho hei tangata takitahi, hei rōpū, hei ohu hoki.

Ka aro atu mātou ki te hira o te mātāpono kia whakatutuki te Māori i ōna moemoeā engari kia kaua e ngaro, e waimeha rānei tōna tuakiri Māori. Ko a mātou tāpui pūtea mō te whanaketanga Māori ka hanga rauemi.

Ka hanga me te whakaū hoki mātou i te whanaungatanga ki ngā Māori, ka mutu, he whanaungatanga tata, whakawhitiwhiti ēnei. Ka pēnei ai mā tō mātou tūhonotanga tari ā-rohe. He kaha rawa tēnei tūhonotanga. Ka whakatipu hoki mātou i te pārongo me te mōhiotanga i a mātou e whakamārama, e whakaata ana hoki i ngā tū āhuatanga maha noa o te Māoritanga o ēnei rangi.

Ko Te Puni Kōkiri tētahi ohu “e kōkiri tahi ana” hei whakatutuki i te pūmanawa moe a te Māori.

Last modified: 31/03/2008