Ko te whāinga o te Karahipi Whakamahara o Tā Apirana Ngata he whakatairanga i te mātauranga teitei i waenga i te iwi Māori. I hangaia e te Ture Hoia Māori 1957, ā, kei te whakahaerehia e te Tari o te Kaitiaki Māori.

Ko te pūtea mō te karahipi nei ka ahu mai i te Pāmu Hereheretau, ki Wairoa. Koira te rawa nui o te Rōpū Tiaki Māori.

Ngā Karahipi kei te Wātea

Tata ki te tekau karahipi (ko tōna $5000 nei te wāriu o ia karahipi) e wātea ana ia tau mō te tauira wā kikī kei tētahi whare wānanga Māori, whare wānanga, whare takiura rānei o Aotearoa.

Pārongo mō te Tono

Kei te wātea te karahipi ki ngā Māori katoa engari ka āta hiahiatia ngā uri whakaheke o ngā hoia kaumātua Māori o te Pakanga Tuatahi o te Ao. Ko rātou i mahi hei hoia ki rāwāhi i te pakanga tuatahi i roto i te rōpū hoia o te Kuini.

Ka wātea te tauira kia whai atu i te kaupapa e hiahia ana ia, engari ka āta hiahiatia ngā tauira o roto i te tau whakamutunga o te tohu .

Ka whakaarohia mō ngā āhuatanga e whai ake nei:

• Whakapapa mātauranga;
• Kua whakaaturia he pai ki a ia te tikanga-ā-iwi Māori;
• Kua whakaaturia te urunga atu ki roto i ngā ngohe ā-iwi nei, ā-hapū nei rānei.

Me pēhea te tono

Ka taea te tiki mai i te pae tukutuku he kapi o te puka tono Me tono mai rānei mā te emera.

Last modified: 14/04/2008